Leonore Veenemans: Verskil tussen weergawes

'''Leonore Mona Veenemans''' (getroude van Brewis) ([[Witbank]] [[16 Februarie]] [[1935]] - naby [[Prins Albert]] [[17 Februarie]] [[1973]]) was 'n Suid-Afrikaanse sopraan wat opera- sowel as ligte musiek gesing het. Sy word waarskynlik die beste onthou vir haar vertolking van 'n Russiese volksliedjie wat in Afrikaans "Liefste Madelein" geword het. Hoewel sy slegs enkele langspelers tydens haar kort loopbaan in ligte musiek uitgereik het, is talle snitte van dié plate in later jare op versamelalbums ingesluit, ook nadat CD's langspeelplate vroeg in die jare 90 vervang het.

Haar suster, Barbara Veenemans is een van Suid-Afrika se mees gerespekteerde opera soprane wat vir al die streeksrade hoofrolle in Suid-Afrika gesing het. Barbara se sangloopbaan het oor 45 jaar gestrek. Leonore se broer, Bennie Veenemans (as seunsopraan), het ook gesing en opnames gemaak. Bennie word beskou as een van die beste seunsoprane wat [[Suid-Afrika]] nogtot dusver opgelewer het. Hy het tallose kunswedstryde gewen en in talle konserte met die beste sangers van sy dag, soos [[Emma Renzi]] en Webster Booth, opgetree. Hy het hom later as mediese dokter bekwaam en op [[Hazyview]] in [[Mpumalanga]] 'n praktyk gehad.