Stormsvlei: Verskil tussen weergawes

In 1732 is reeds weiregte hier toegeken, maar dit is blykbaar nie benut nie. Vyftig jaar later is hierdie plaas bekend as Avontuur toegeken aan Christiaan Andreas Storm en is die plaas na hom vernoem. In 1841 kom die plaas in die hande van die neefs Laurence en William Twentyman. Hulle is goeie sakemanne en ontwikkel hier op die kruising van die roete van die Kaap na die oostelike distrikte van die Kaapkolonie en van die roete van die binneland (via [[Kogmanskloofpas|Kogmanskloof]], [[Ashton]] en [[Bonnievale]]) na die see by [[Kaap Agulhas|Agulhas]] ‘n gewilde oorstaanplek. In sy fleur het Stormsvlei ‘n hotel met ‘n kroeg gehad. Daar was ‘n wamaker en ‘n smid, stalle, ‘n meul en selfs ‘n poskantoor, ‘n polisiekantoor en ‘n gevangenis. Slegs die kerkie bestaan nog. Die ou herehuis is nou ‘n gastehuis.