Lesotho: Verskil tussen weergawes
Content deleted Content added
→Geografie: Skakels |
→Geografie: Skakels |
||
Lyn 68:
Die oostelike plato en berge (''Hoogland'') is daarenteen gedeeltelik meer as 2 000 meter hoog en bestaan uit basalt wat deur vulkaniese uitbarstings sowat 170 tot 150 miljoen jaar gelede ontstaan het. Die Hoogland word gekenmerk deur diep riviervalleie en talryke berge en bergreekse. Die byna sekelvormige [[Drakensberge]] (in Lesotho die ''Maloti-berge'' genoem) begin in die land in die suidweste en eindig in die noorde. Die hoogste piek in die land en terselfdertyd ook in [[Suider-Afrika]] is [[Thabana Ntlenyana]] van 3 482 meter bo [[seevlak]].
Die laagste punt van die land is geleë by die samevloeiing van die [[Oranjerivier|Oranje-]] (in Lesotho ''Senqu'' genoem) en die Makhalengrivier by sowat 1 400 meter bo seevlak. Die hoogte van Lesotho is 'n unieke geografiese verskynsel: dit is die enigste onafhanklike land ter wêreld waarvan die hele gebied bo 1 000 meter is, waarvan sowat 80% van die gebied bokant 1 800 meter geleë is.
[[Lêer:Erosion Lesotho.jpg|duimnael|links|Erosie by Ha Lebesa]]
In Lesotho ontspring die twee groot Suid-Afrikaanse riviere, die Oranje en die [[Caledonrivier|Caledon]]. Dit het weer ander riviere in Lesotho se diep klowe gevorm. Op die platorand van basaltgesteente, waaruit die Drakensberge bestaan, is daar talle watervalle. Die Maletsunyane-waterval by Semonkong is op 'n hoogte van 192 meter die hoogste standhoudende waterval in Suider-Afrika. Die voet van die plato, by die oorgang na die Hoëveld in die weste, bestaan uit sagte sandsteen. Daarom, maar ook as gevolg van oorbebouing en oorbenutting van grond, is slegs sowat elf persent van die landoppervlakte geskik vir landbougrond. Die grond gaan besonder sterk gebuk onder erosie.
Die land se natuurlike hulpbronne is water en 'n weinige hoeveelheid diamante en ander minerale. Die ryk waterreservoirs met 'n geskatte daaglikse afvloei van 7 280 miljoen liter is die beginpunt vir die grootskaalse elektrisiteit- en watervoorsieningsprojekte. As deel van die [[Lesotho-Hoogland-waterprojek]] is begin met die bou van verskeie damme, waarvan die Katsedam die grootste is.
| |||