Rudyard Kipling: Verskil tussen weergawes
Content deleted Content added
Lyn 37:
Met sy nuwe reputasie as "Digter van die Britse Ryk" (''Poet of the Empire'') het hy 'n warm welkom deur sommige van die invloedrykste politieke persoonlikhede van die Kaapkolonie ontvang, waaronder Rhodes, Sir [[Alfred Milner]] en [[Leander Starr Jameson]]. Kipling het hul vriendskap gekultiveer, en die politici en hul beleid het sy bewondering geniet.
Die jare tussen 1898 en 1910 was 'n beslissende tydperk in die geskiedenis van Suid-Afrika. Dit was die tyd van die [[Tweede Vryheidsoorlog|Tweede Suid-Afrikaanse Oorlog]] (1899-1902), die daaropvolgende Vrede van Vereeniging en die stigting van die Unie van Suid-Afrika in 1910. Ná sy terugkeer na Engeland het Kipling gedigte geskryf waarin hy vir die Britse saak in die Boere-oorlog bepleit het. Tydens sy volgende besoek aan Suid-Afrika vroeg in 1900 is hy as korrespondent van die dagblad ''The Friend'' in [[Bloemfontein]] aangestel wat deur Lord Roberts ná die verowering van die stad as nuusmedium vir Britse troepe oorgeneem is.
Alhoewel sy joernalistieke opdrag slegs twee weke geduur het, was dit Kipling se eerste betrokkenheid by 'n dagblad sedert sy afskeid by ''The Pioneer'' in Allahabad tien jaar vantevore. By die ''Friend'' het hy lewenslange vriendskap met Perceval Landon, Howell Arthur Gwynne en ander gesluit.<ref>C.E. Carrington: ''The Life of Rudyard Kipling''. Garden City, NY: Doubleday & Co. 1955, bl. 236</ref> Kipling het ook artikels geskryf waarin hy sy standpunte ten opsigte van die oorlog uitvoerig toegelig het.<ref>[http://query.nytimes.com/mem/archive-free/pdf?res=9401EFDC1339E733A2575BC1A9659C946197D6CF Rudyard Kipling: ''Kipling at Cape Town: Severe Arraignment of Treacherous Afrikanders and Demand for Condign Punishment By and By''. In: ''The New York Times'', 18 Maart 1900, bl. 21]</ref> 'n Inskrif by die ''Honoured Dead Memorial'' in [[Kimberley]], 'n monument ter herinnering aan die beleg van die stad deur Boeremagte tussen Oktober 1899 en Februarie 1900, het uit Kipling se pen gekom.
| |||