Transrapid: Verskil tussen weergawes

In [[1979]] is gedurende die Internasionale Vervoertentoonstelling IVA in [[Hamburg]] die eerste magneetsweeftrein , wat ook vir die vervoer van passasiers toegelaat is, bekend gestel. Die trein het vervolgens in Hamburg gery en sowat 50 000 passasiers teen 'n reissnelheid van 50 kilometer per uur vervoer. Die eerste toetslyn met 'n lengte van 31,5 kilometer is vanaf [[1980]] in die Wes-Duitse streek Eemsland opgerig en in [[1984]] in bedryf gestel. 'n Tweede lyn met 'n lengte van 1,6 kilometer is in [[Berlyn]] gebou. Hierdie sogenaamde ''M-Bahn'' was aanvanklik as 'n openbare vervoerstelsel beplan, sy lyn is egter ná die Duitse hereniging vir die heroprigting van 'n voormalige moltreinlyn benodig en die projek derhalwe in [[1992]] gestaak.

[[Beeld:Maglev june2005.jpg|thumb|right|250px|'n Sjinese magneetsweeftrein in Sjanghai (Junie 2005)]]

Die magneetsweeftrein ''Transrapid 06'' het in [[1988]] met 'n snelheid van 412,6 kilometer per uur 'n nuwe wêreldrekord opgestel. 'n Beplande magneetsweeftrein-verbinding tussen die metropole Hamburg en Berlyn, wat op [[2 Maart]] [[1994]] deur die federale Duitse regering goegekeur is, het later geblyk om ekonomies nie vatbaar te wees nie en is op [[5 Februarie]] [[2000]] gestaak. Alternatiewe lyne is in die Ruhrgebied en in München oorweeg.