Robertson: Verskil tussen weergawes

 

Danksy sy ligging in die vrugbare Robertsonvallei is landbou nog steeds die steunpilaar in die plaaslike ekonomie. Vroeër het die dorp ook bekend gestaan vir sy wamakery, tog het die spoorweë ná die einde van die [[Tweede Vryheidsoorlog]] die vervoersektor begiin oorheers en waens heeltemaal verdring. Ook die volstruisteelt is weens 'n ekonomiese krisis in dié bedryf ná die einde van die [[Eerste Wêreldoorlog]] gestaak. Die boere in die omgewing het hulle vervolgens op die verbouing van wyn en vrugte en die teelt van renperde toegespits. Die plaaslike wynbedryf staan lankal bekend vir sy [[brandewyn]] en muskaatwyn.