Vaalrivier: Verskil tussen weergawes

Content deleted Content added
→‎Vislewe: Verbeter
No edit summary
Lyn 17:
 
== Oorsprong ==
Dit het sy oorsprong by Sterkfontein Baken naby [[Breyten]], in [[Mpumalanga]] provinsie en vorm die grootste deel van die [[Vrystaat]] provinsie se noordelike grens. Dit vloei hiervandaan 1120 km suidwes tot by sy samevloeing met die [[Oranjerivier]] naby [[Douglas, Noord-Kaap|Douglas]]. Sowat 30km suidoos van [[Ermelo, Mpumalanga|Ermelo]] vloei die rivier onder deur die [[Ermelo, Mpumalanga|Paulkrugerbrug]]. Net voor [[Standerton]] vloei die rivier in die [[Grootdraaidam]] in. Die [[Kliprivier, Vrystaat|Kliprivier]] sluit nou by die rivier aan en dan vloei die Vaalrivier onder deur die [[N3]] nasionale pad by [[Villiers]].<ref>South Africa Road Atlas. Mapstudio. ISBN 978-1-77026-154-9</ref> Net daarna vloei die rivier by die [[Vaaldam]] in. By die Vaaldam vloei die [[Wilgerivier (Vaal)|Wilgerivier]] ook by die dam in; die Vaaldam is oor die samevloeiing van die twee riviere gebou.
 
Die Vaalrivier vloei nou wes, deur die [[Vaaldriehoek]]. Die ander [[Kliprivier, Gauteng|Kliprivier]] sytak vloei nou saam met die Vaalrivier net voor die rivier oor die [[Vaalrivier Barrage Reservoir|Barrage]] keerwal gaan. Hiervandaan vloei die rivier tot in die [[Bloemhofdam]].
 
Die [[Hartsrivier]] is een van die noordelike sytakke van die Vaalrivier. In die omgewing waar die Hartsrivier in die Vaalrivier vloei, is die [[Vaalharts-besproeiingskema]] in [[1933]] as deel van die nasionale heropbouprogram ná die [[Groot Depressie]] ontwikkel. Dit is 'n groot besproeiingsprojek wat water uit die Vaal- en Hartsriviere deur middel van kanale oor 'n groot gebied wat voorheen redelik droë wêreld was, versprei en die dorpe [[Jan Kempdorp]] en [[Vaalharts]] laat groei het.
 
== Grootmaatverbruikers ==
Water word uit die rivier onttrek om te voldoen aan die industriële behoefte van die [[Gauteng]] en 'n groot deel van die Vrystaat. Die grootmaat verbruikers sluit in: [[Rand Water|Randse Waterraad]], [[Eskom]] se steenkoolkragstasies, [[Yskor]], [[Sasol]], die [[Vrystaatse Goudvelde]] en myne in die [[Noord-Kaap]].
 
== Damme in die Vaalrivier ==
Die [[Vaaldam]] is die grootste dam in die Vaalrivier. Dit is die tweede grootste dam in Suid-Afrika in terme van oppervlakarea en het die vierde grootste volume. Ander damme in die rivier is die [[Grootdraaidam]] naby [[Standerton]] en die [[Bloemhofdam]] naby [[Bloemhof]]. Daar is ook verskeie keerwalle in die rivier waarvan die Barrage naby [[Vereeniging]] seker die bekendste is.
 
Ander sytakke is die [[Valsrivier]], die [[Vetrivier]] en die [[Rietrivier]].