Verskil tussen weergawes van "Krugerrand"

10 grepe bygevoeg ,  14 jaar gelede
k
geen wysigingsopsomming nie
k
Die '''Krugerrand''' is 'n [[Suid-Afrika|Suid-Afrikaanse]] goudmuntstuk, wat in die jaar [[1967]] vir die eerste keer uitgereik is en veral daarop gemik was om Suid-Afrikaanse [[goud]] in die buiteland te bemark. Die Krugerrand is 'n wettige betaalmiddel in Suid-Afrika, alhoewel dit nie werklik as 'n [[geldeenheid]] bedoel was nie.
 
Die goudmunt se naam is afgelei van die portret van [[Paul Kruger]], president van die [[Transvaal|Zuid-Afrikaansche Republiek]] (ZAR), op die voorkant, terwyl 'n [[springbok]], een van Suid-Afrika se nasionale simbole, op die agterkant pryk. Die naam "Suid-Afrika" en die goudinhoud word in albei belangrike landstale, [[Afrikaans]] en [[Engels]], aangedui.
 
Die Krugerrand was die eerste staafgoudmunt, wat teen die markwaarde van sy goudinhoud gehandel is. By ander, ouer goudmunte soos die [[Verenigde Koninkryk|Britse]] ''Gold Sovereign'' is die waarde, wat hulle as betaalmiddel het, op die voorkant ingegraveer, en dit kon aansienlik verskil van die waarde van hulle goudinhoud.