NG gemeente Melville: Verskil tussen weergawes

 

==Beginjare==

Ds. S.W. van Niekerk, wat die gemeente [[NG gemeente Turffontein|Turffontein]] bearbei het, is tot eerste leraar van die nuwe gemeente beroep. Aanvanklik het die bearbeiding van Melville groot uitdagings gebied, omdat die leraar die eerste sewe jaar ook dienste in Vrededorp moes hou. Uiteindelik het die getalle van die tweedelige gemeente in so 'n mate aangegroei dat die kerkraad in 1927 verplig is om sy gedeelte van [[NG gemeente Cottesloe|Vrededorp]] (in 1963 herdoop tot Cottesloe) af te staan, sodat dit saam met die gedeelte wat binne die grense van [[NG gemeente Fordsburg|Fordsburg]] geval het, tot selfstandige gemeente afgestig kon word. Intussen het [[NG gemeente Waterval|Waterval]] as dogtergemeente van [[NG gemeente Langlaagte|Langlaagte]] in 1921 in die mees westelike uithoek van die stad afgestig, waaruit uiteindelik regstreeks of onregstreeks amper 20 gemeentes in die noordweste van Johannesburg en selfs in [[Roodepoort]] sou ontstaan.