NG gemeente Turffontein: Verskil tussen weergawes

[[Beeld:Turffonteinkerk.jpg|thumb|right|270px|Toe Turffontein se kerkgebou afbrand, kon die gemeente dit nie bekostig om dit te laat herbou nie weens onderversekering. Die argitek [[Gerard Moerdijk]] het feitlik 'n eenderse kerk vir die [[Vrystaat]]se dorp [[Luckhoff]] se NG gemeente ontwerp, hoewel laasgenoemde uit klip gebou is.]]

Die kerksaaltjie op Turffontein was altyd baie beknop en het mettertyd boonop bouvallig geword. Daarom besluit die boukommissie van Jeppestown op aanbeveling van die kerkraad in Julie 1903 om liewer 'n nuwe kerksaal vir Turffontein te bou en die ou gebou te herstel en dan vir skooldoeleindes te verhuur. Enkele maande later neem die boukommissie die tender aan van mnr. T.D. Hannecke vir £1 509 en kon met die bouery 'n begin gemaak word. Ds. Meiring van Johannesburg-Oos lê die hoeksteen op Saterdag 30 Julie toe ds. Nel die hoop uitspreek "dat dit nie meer lank sal duur duur voordat te Turffontein 'n selfstandige gemeente gestig sal word nie" (aangehaal in die Transvaalse kerkblad, ''De Vereeniging'', Augustus 1904). Dit is nie bekend presies wanneer dié geboutjie voltooi en ingewy is nie.

Teen die middel van November was die bouaannemer se werk blykbaar klaar, want die kerkraad besluit daardie maand tydens sy vergadering om met die inwyding te wag "tot na die aankoms van die meublement". Reeds in Augustus het die Jeppestown-kerkraad 'n afsonderlike tender van die broers Van Hoogstraten vir £400 aangeneem vir die ameublement en preekstoel. Om een of ander rede is die lewering van dié meubels se lewering vertraag, sodat die inwyding 'n ruk lank moes uitgestel word. Dit het blykbaar wel nog voor die einde van 1904 gebeur.

Dit was enersyds vanweëweens die verhuising van groot getalle Afrikaanssprekendes uit sekere dele van Johannesburg se suidelike voorstede (veral dié naaste aan die middestad), maar andersyds veral omdat Turffontein se onderversekerde kerkgebou in Maart 1992 afgebrand en die gemeente nie kon bekostig om dit te herbou nie. Ook het Johannesburg-Suid se leraar (ds. J.L. Coetzee wat as tweede en laaste leraar amper 40 jaar lank van 1955 tot 1994 die gemeente bedien het) afgetree<ref>[http://152.111.1.88/argief/berigte/beeld/1997/02/26/10/5.html ''Beeld'']</ref>. Dié samesmelting het 'n einde gebring aan die 88-jarige bestaan van die oudste gemeente suid van die middestad, van wie al die gemeentes in die suide dogters of kleindogters is of was.