Vidius Nel: Verskil tussen weergawes

Ds. Nel bly net twee jaar op [[Somerset-Wes]], want op [[9 Oktober]] [[1952]], kort ná sy 28ste verjaardag, word hy as leraar van die [[NG gemeente Albanie]], met sy kernpunt destyds as die dorpie [[Riebeek-Oos]], bevestig. Hier verrig hy harde werk met oorgawe. Ses jaar later, op [[21 Januarie]] [[1958]] word hy as leraar van die NG gemeente Klipplaat, eweneens op die [[Oos-Kaap]]se platteland, bevestig en drie jaar later in die herfs van 1961 in die [[NG gemeente Alexandria]], aan die Oos-Kaapse kus. Hier werk hy tot hy na die Noord-Kaap vertrek en op [[19 Junie]] [[1965]] as leraar van die agt jaar oue NG gemeente Upington-Noord bevestig word. Onder ds. Nel se leiding word hier 'n kerksaal gebou.