Die '''sebra''' is 'n soogdier van die familie van die [[Equidae|perdagtiges]] wat aangetref word in sentraal[[Sentraal-Afrika|Sentraal-]] en suidelike [[Suider-Afrika]]. Hulle het swart en wit strepe wat vertikaal loop oor die liggaam van die dier, en 'n wit pens. Elke sebra se strepe is uniek. Meeste [[dierkundige]]s het voorheen gereken dat die strepe vir [[kamoeflering]] is, en ander weer dat die strepe 'n rol speel in sosiale interaksie (omdat klein variasies die diere in staat stel om mekaar uit te ken). 'n Meer hedendaagse teorie, wat ondersteun word deur eksperimente, stel voor dat die strepe 'n effektiewe metode is om die visuele stelsel van die [[tsetsevlieg]] te verwar.{{feit|Augustus 2013}}
'n Sebra kan 'n topspoed van 55 km per uur behaal, stadiger as 'n perd. Hulle het egter groter uithouvermoë. 'n Sebra kan in een dag 40 km ver loop, net om weer in die aand na die trop terug te keer.
