Rachel Isabella Steyn: Verskil tussen weergawes

[[Lêer:Steyn-gesin.jpg|thumb|regs|300px|Die Steyn-gesin kom kort na die [[Anglo-Boereoorlog]] op die stasie in Bad Reichenhall in [[Beiere]] aan.]]

[[Lêer:Steyns.jpg|thumb|regs|300px|Die egpaar Steyn in Dordrecht, [[Nederland]], omstreeks 1903.]]

 

Ná haar man se dood ([[28 November]] [[1916]]) het sy haar toenemend met die strewe van die Afrikaners vereenselwig en op haar eie sagte manier groot invloed uitgeoefen. Uit dankbaarheid vir wat [[Emily Hobhouse]] tydens die [[Anglo-Boereoorlog]] vir die Boerevolk beteken het, het Steyn die leiding geneem om reëlings te tref vir haar aftrede. Sonder Hobhouse se medewete het Steyn in 1921 die bedrag van £2&nbsp;300 deur middel van halfkroon-kollektelyste ingesamel. Dit is aan Hobhouse gestuur met die uitdruklike versoek dat sy ’n huisie iewers aan die kus van [[Cornwall]], waar sy so graag wou wees, moes koop. Hobhouse se geldnood was sodanig dat sy selfs sonder die basiese moes klaarkom en dit glad nie sou kon oorweeg om ’n huis te koop nie. In ’n bedankingsbrief in Mei 1921 skryf sy haar eerste gedagte was om geen geskenk te aanvaar nie of om dan die geld aan die een of ander openbare saak te skenk. "Maar nadat ek u brief gelees en nogeens gelees het, het ek besluit om u geskenk te aanvaar in dieselfde eenvoudige en liefdevolle wyse waarop dit aan my gestuur is".<ref>[http://zar.co.za/hobhouse.htm Biografieë van besondere Suid-Afrikaners, Emily Hobhouse].</ref>