NG gemeente Pondoland: Verskil tussen weergawes

Die geestelike bearbeiding van hierdie mense het in 1918 begin toe ds. Lambrecht van die indertydse [[NG gemeente Mthatha|Umtata]], waar reeds in 1890/'91 'n NG gemeente gestig is deur die toedoen van ds. [[Wilhelm Adolph Alheit|W.A. Alheit]] van die [[NG gemeente Dordrecht]] wat hom die geestelike welsyn van die lidmate in die reservaat-gebiede aangetrek het, saam met die broeder I.P. van Niekerk (bekend as oom Naas Lekkerlag van Mdini) te perd die kronkelende Umzimvubu na die Tabankulu-bos deurreis het om die families Hechter en Ferreira te besoek. In 1920 het ds. Stander van [[Cedarville]] saam met die broeder Willie Prinsloo (van Mansfield) met kar en perde 'n reis van ongeveer 110 km onderneem na Mpetsheni, Bizana, waar die broeder S.J. van Niekerk en sy gesin gewoon het. Kort hierna het ds. C.C. Nepgen van Umtata 14 dae lank katkisasie en aanneme op Ndlovu, Bizana, gehou.