Verskil tussen weergawes van "A.P. Smit"

3 grepe bygevoeg ,  7 jaar gelede
 
==Argivaris==
Slegs 'n jaar nadat hy 'n beroep in 1958 na [[NG gemeente Dutoitspan|Beaconsfield]] in die [[Kimberley|Diamantstad]] aangeneem het, is die argivaris, sy intieme vriend dr. [[J. A. S. Oberholster]], skielik oorlede. Die kerk het geen probleemtwyfel gehad oor wie sy opvolger moes wees nie. In hierdie betrekking het ds. A.P. Smit 'n besonderse merk afgedruk. Wat eerw. [[Andries Dreyer]] begin het, dr. Oberholster uitgebou het, het hy voortgebou. Hy het die argief versier met sy mooi persoonlikheid en in 'n doelmatige gebot, wat hy help beplan het, gaan orden. Dit het in Kaapstad 'n besienswaardigheid geword.
 
Een na die ander gemeente het kom vra dat hy hulle verlede moes opdiep en feestelik saamstel. Die gemeentes waar hy self was, het voorrang gekry. Port Nolloth ontvang in 1962 'n ongepubliseerde manuskrip oor sy 25-jarige bestaan. Philadelphia word op datum by sy 100-jarige fees in 1963 gebring. Dieselfde jaar kom [[De Aar]] se 50-jarige verlede herdenk met die simboliese titel: ''Kerktoring teen die treinspoor.'' Tuis moes hy sy siek eggenote versorg en sien hoe haar kragte afneem totdat sy in 1964 oorlede is.
Met sy werk het hy aangegaan: In 1965 verhaal hy van nog een, Citrusdal, ''Ons Kerk in Bo-Olifantsrivier, 1916-1966''. Hy het 'n bekende geskiedskrywer geword. Sy dienste was in aanvraag. Hy het gedien in die Raad van die Genealogiese Genootskap van Suid-Afrika. Aan die ''[[Suid-Afrikaanse Biografiese Woordeboek]]'' het hy meegewerk. Vir die ''[[Standard Encyclopaedia of Southern Africa]]'' het hy bydraes gelewer. Sy werk het erkenning geniet en hy is as fakulteitslid van die [[Suid-Afrikaanse Akademie vir Wetenskap en Kuns]] benoem.
 
Ds. Smit is reeds in 1966 weer getroud, met Anna Elisie van der Merwe, gebore De Villiers, wat hom tot die einde bygestaan het, 'n eertydse verpleegster. Jaar na jaar het sy publikasies die geskiedenis van nog gemeentes te boek gestel: [[NG gemeente Kuruman|Kuruman]], 1966; [[NG gemeente Uitenhage|Uitenhage]], 1967. Toe kom nog 'n vererende opdrag: Om die dienswerk van die Bybelgenootskap in Suid-Afrika na 150 jaar te beskrywe. In 1976 was dit gereed en dra die titel ''God het laat groei''. In dieselfde jaar was 'n manuskrip gereed om die geskiedenis van Beaufort-Wes aan te vul. Dit is egter nie uitgegee nie. Die volgende jaar het ''Ligglans oor die Berge'' die [[NG gemeente Barkly-Oos|gemeente]] en gemeenskap van [[Barkly-Oos]] se verlede bewaar. Daarin is 'n kort lewenskets van die skrywer opgeneem. Toe het hy al "nie minder as 18 gemeentes se gedenkboeke geskrywe nie".
 
==Aftrede==
85 157

wysigings