NG gemeente Williston: Verskil tussen weergawes

Die NG gemeente op die nedersetting Amandelboom is in 1878 gestig. Dit het twee jaar onder konsulentskap gestaan van ds. W.P. de Villiers, leraar van die [[NG gemeente Carnarvon]] van 1875 tot sy aftrede in 1904, totdat ds. S.H. Kühn in 1880 as eerste herder en leraar bevestig is. Hy het die herderstaf amper 40 jaar hier geswaai totdat hy sy emeritaat aanvaar het in 1920 (volgens 'n ander bron 1919), 'n tydperk waarin 'n finansiële sukkelbestaan gevoer is en die kerkraad telkens in gebreke gebly het om die leraar se salaris ten volle te voorsien. Ds. [[Gustave Adolph Maeder|G.A. Maeder]], wat van 1884 tot 1907 leraar was van die nabygeleë [[NG gemeente Victoria-Wes]], skryf in 1917 in ''Ons Kerk Album'' van ds. Kühn: "(H)oewel een degelijk man, praktische prediker en getrouwe herder, houdt hij zich stil; en omdat hij veel maakt van zijn studeerkamer, diep peinst, en aangenaam kan gezelsen met de weinigen die hem bezoekenmbezoeken, wordt hij genoemd 'de philosooph van het Noordwesten'."

Geleidelik het daar egter 'n toename in die getal lidmate plaasgevind: van 310 in 1899 tot 521 in 1914. Die geldelike toestand het ooreenkomstig verbeter en in 1912 kon die hoeksteen van 'n nuwe kerkgebou gelê word. Strenge tug is in hierdie tydperk van kerkweë uitgeoefen. Lidmate wat byvoorbeeld in gebreke gebly het om elk £1 tot die salaris van die predikant by te dra, is met geregtelike stappe gedreig.