Sandrivier: Verskil tussen weergawes

Die '''Sandrivier''' (voorheen Zand Rivier,<ref name =raper>{{cite web|last=Raper|first=P. E.|title=Dictionary of Southern African Place Names |url=http://archive.org/stream/DictionaryOfSouthernAfricanPlaceNames/SaPlaceNames_djvu.txt |publisher=archive.org |accessdate=28 October 2013}}</ref> [[Engels]]: ''Sand River'') is 'n rivier in die [[Vrystaat]], [[Suid-Afrika]]. Die rivier is 'n sytak van die [[Vetrivier]] wat op sy beurt weer 'n sytak van die [[Vaalrivier]] is en saamvloei met die Vaalrivier in die [[Bloemhofdam]]. Die Sandrivier ontspring net suidoos van [[Paul Roux]], vloei noordwes, kruis die [[N5 (Suid-Afrika)|N5]] nasionale pad, swaai dan weer suidwes tot by [[Senekal]] waar dit weswaarts vloei. Die rivier vloei nou deur die [[Allemanskraaldam]], kruis die [[N1]] nasionale pad tussen [[Winburg]] en [[Ventersburg]] en vloei dan verby [[Virginia]]. Hiervandaan vloei die rivier steeds weswaarts, kruis die R 710 hoofpad en net daarna sluit dit aan by die Vetrivier. Die rivier het bekenheid verwerf met die [[Sandrivier Konvensie]] wat geteken is tussen die Boere en Britte in [[1852]].