[[Lêer:P1000268a The summit of Lion's Head.jpg|thumb|300px|regs|Toeriste ontspan op Leeukop.]]
'''Leeukop''' is 'n koppiekop in [[Kaapstad]], [[Suid-Afrika]], wat tussen [[Tafelberg]] en [[Seinheuwel]] geleë is. Die koppiekop is 669 meter (2,195 voet) bokant seevlak. Die piek skep 'n dramatiese agtergrond vir Kaapstad en is deel van die [[Tafelberg Nasionale Park]].
== Omgewing ==
Kaapstad se voorstede omring die koppiekop aan bykans alle kante, maar streng beheer deur die munisipaliteit het voorkom dat huise teen die hoër hange gebou word. Die gebied is van besondere belang vir die Kaapse Maleiergemeenskap, wat histories in die [[Bo-Kaap]] naby Leeukop gewoon het. 'n Aantal geskiedkundige grafte en tempels (kramats) van Maleise leiers is op die laer hange geleë.
== Geskiedenis ==
In die 17de eeu het die Nederlanders die koppiekop ''Leeuwen Kop'' gedoop, terwyl Seinheuwel as die ''Leeuwen Staart'' (die Leeu se stert) bekend was. Die Engelse het in die 17de eeu na die koppiekop as ''Sugar Loaf'' verwys.<ref name=capetownmagazine>{{cite web|url=http://www.capetownmagazine.com/todonight/Western-Cape/Lions-Head-Full-Moon-Hike~6|title=Lion's Head: Full Moon Hike|publisher=Cape Town Magazine|accessdate=2006-12-24}}</ref><ref name=joseburman>{{cite book|title=The Table Mountain Book|first=Jose|last=Burman|publisher=Human & Rousseau|year=1991}}</ref>
