Rivonia-verhoor: Verskil tussen weergawes

Die '''Rivonia-verhoor''' was 'n verhoor wat tussen 1963 en 1964 in [[Suid-Afrika]] plaasgevind het. Tien leiers van die [[ANC]] is vir 221 klagte van [[sabotasie]] aangekla nadat hulle gepoog het om die regering van Suid-Afrika omver te werp. Die verhoor volg op 'n klopjag wat die Polisie op [[Umkhonto we Sizwe]] (MK) se basis in [[Rivonia]] uitgevoer het. Hiertydens is dokumente het wat die mans geïmpliseer het in beslag gelê.

Die verhoor begin in Oktober 1963 in die [[Paleis van Justisie, Pretoria|Paleis van Justisie]] op [[Kerkplein]] in [[Pretoria]]. Die regter was [[Quartus de Wet]]. Die openbare aanklaer was [[Percy Yutar]] en die verdediging is deur [[Bram Fischer]] gelei. Coen Stork het die verrigtinge as Nederland se amptelike waarnemer bygewoon.

Aanvanklik word die doodstraf aangevra, maar dit word later na lewenslange gevangenisstraf versag. Op 12 Junie 1964 word die vonnis uitgespreek. Agt van die ten word skuldig bevind en lewenslange tronkstraf opgelê. Onder hulle was [[Nelson Mandela]], wat aan al die klagte skuldig bevind is. Hy sou uiteindelik 27 jaar van sy vonnis uitdien. Twee ander veroordeeldes het uit die gevangenis ontsnap nadat hulle 'n tronkbewaarder omgekoop het.