Die Burger: Verskil tussen weergawes

[[Lêer:Naspers Centre.JPG|thumb|240px|Die Naspers Sentrum, tuiste van onder meer ''Die Burger'' se redaksie.]]

[[Lêer:Die Burger pilaar.JPG|thumb|200px|Pilaar met name van Naspers- of Media24-publikasies wat in die Naspers Sentrum gehuisves word of vroeër gehuisves is.]]

'''Die Burger''' is 'n [[Afrikaans]]e [[koerant|dagblad]], gepubliseer deur [[Naspers]]. In [[2008]] het dit 'n sirkulasiesyfer van 104 808 in die [[Wes-Kaap|Wes-]] en [[Oos-Kaap]] gehad, maar teen 2012 het dit teruggesak na sowat 60 000 en in die tweede kwartaal van 2013 tot 59 704 vir albei uitgawes. Die Saterdag-uitgawe se sirkulasie was toe 74 256 ('n jaar tevore was dit 77 668), vergeleke met ''Naweek-Beeld'' se 59 944 ('n jaar tevore 72 124).

 

Op [[18 Desember]] [[1914]] het sestien voorste [[Afrikaners]] in die Victoriaanse woning Heemstede in Van Riebeeckstraat, [[Stellenbosch]], vergader om die stigting van 'n nasionale nuusblad te bespreek. Nadat die twee weldoeners [[Jannie Marais|Jannie]] en Christiaan Marais van Stellenbosch groot bedrae voorgeskiet en geskenk het om die projek te begin, het die stigters hulle tot die volk gewend om aandele in die Nasionale Pers op te neem. Hulle het dr. [[D.F. Malan]], leraar van die [[NG gemeente Graaff-Reinet]], op [[15 April]] [[1915]] versoek om die eerste redakteur van ''De Burger'', soos die koerant eers bekend gestaan het, te word. Hy het dit op [[27 Mei]] aanvaar. Sy afskeidspreek was op [[13 Junie]]. Op [[23 Junie]] is hy in die Hofmeyrsaal in [[Kaapstad]] as redakteur van ''De Burger'' en leier van die Kaapse Nasionaliste verwelkom.

 

Op [[1 Mei]] [[1993]] is die Oos-Kaapse dagblad ''[[Oosterlig]]'' as Oos-Kaapse uitgawe by ''Die Burger'' ingelyf.

 

Daar is aanvanklik besluit "dat het wenselik is een Hollands nieuwsblad uit te geven", en wel twee keer per week. Maar ná 'n druk bespreking is besluit dat die nuwe koerant 'n dagblad moet wees. Teen [[1916]] is die eerste artikels in die jong taal Afrikaans in die koerant gepubliseer. Algaande het die gebruik van Afrikaans al hoe meer geword, tot Die Burger vandag geheel en al Afrikaans is, en hom nog al die jare beywer vir die bevordering van Afrikaans. Die naam De Burger is in [[1921]] verafrikaans tot Die Burger.

 

Die Burger (en sy susterskoerante) was reg van die begin af as vennoot vir die [[Nasionale Party]] bedoel (verwys na die geskiedenis van [[Naspers]]). Een van die min uitsonderings was toe die derde redakteur, [[Piet Cillié]], verskeie kere tromp-op met dr. [[H.F. Verwoerd]] gebots het, onder meer omdat hy (teen partybeleid) regstreekse verteenwoordiging vir die bruin mense in die parlement verkondig het.

 

In [[2004]] het die koerant sy lesers aangemoedig om hul demokratiese reg te gaan uitoefen deur vir die party te gaan stem wat na hulle oordeel die beste na hul belange sal omsien – geen voorskrifte oor enige partye nie.

 

 

* [http://www.dieburger.com Die Burger se tuisblad]

 

* Die Burger, 1990/7/26

* Die Burger, 2000/8/05