Buffalo, New York: Verskil tussen weergawes

|-

| '''Burgemeester'''

|- style="border-top:1px solid #999;"

| '''Amptelike Webwerf'''

|- style="border-top:1px solid #999;"

|}

'''Buffalo''' is 'n stad in die weste van die [[Verenigde State|Amerikaanse]] deelstaat [[New York (deelstaat)|New York]] met 'n oppervlak van 136 vierkante kilometer en 'n bevolking van 261 310 (soos op 1 Julie 2010). Buffalo is die tweede grootste stad in New York na [[New York Stad]] en die administratiewe setel van die Erie-distrik. Die stad is ook die ekonomiese en kulturele sentrum van die Buffalo-Niagara-streek, 'n metropolitaanse gebied met meer as 1,2 miljoen inwoners. Buffalo word soms ook by die Goue Hoefyster gereken, 'n Kanadees-Amerikaanse metropolitaanse gebied met meer as 9,7 miljoen inwoners. Die stad het ook nou ekonomiese bande met die [[Quebecstad-Windsor-korridor]].

 

Vandag ontwikkel Buffalo tot 'n kulturele, finansiële, opvoedkundige en mediese sentrum.

 

Die naam van Buffalo is afgelei van die spruitjie, wat deur die stad vloei. Die oorsprong van die spruitjie se naam bly egter onduidelik, en daar bestaan 'n aantal teorieë, wat nie deur historiese bewyse gestaaf is nie. Een teorie stel dat die naam 'n verengelsing van die Franse ''Beau Fleuve'' ("Mooirivier") sou wees - moontlik volgens 'n uitroep van Louis Hennepin, toe hy die spruit vir die eerste keer gesien het. Daar is geen historiese bronne uit daardie tydperk wat hierdie teorie steun nie.

 

'n Ander storie beweer dat 'n Indiaan van die Seneca-stam met die naam "Buffel" hier gewoon het, sodat dié naam later ook vir die spruit gebruik is.

 

Voor die Europese kolonisasie is die gebied deur die Ongiara bewoon. Hierdie Irokese-stam is deur die Franse setlaars "die Onpartydiges" genoem, aangesien hulle as bemiddelaars tussen die Europeërs en ander stamme opgetree het wanneer daar twiste was.

 

Die eerste permanente Blanke setlaars in die huidige Buffalo was Cornelius Winney en "Black Joe" Hodges, wat hier in 1789 'n blokhuis-winkel gestig het om met die plaaslike Indiaanse gemeenskap handel te dryf. As deel van die sogenamde ''Holland Purchase'' het Nederlandse beleggers die gebied van die Seneca-Indiane aangekoop. Van die begin van [[1801]] is erwe deur die ''Holland Land Company'' se kantoor in Batavia (New York) verkoop. Die nedersetting is aanvanklik Lake Erie genoem, daarna Buffalo Creek, wat verkort is tot Buffalo. Joseph Ellicott, 'n agent van die ''Holland Land Company'', het dit New Amsterdam gedoop, maar hierdie naam het nooit gewild geraak nie. In [[1808]] is die Niagara-distrik met Buffalo as sy administratiewe setel gestig. Met die administratiewe hervorming van die jaar [[1821]] is die Erie-distrik uit die Niagara-distrik geskep, en Buffalo is as die distrik se setel behou.

 

In [[1804]] het Joseph Ellicott 'n roosterpatroon ontwerp, waarvolgens die strate vanuit die middestad straalvormig uitsprei - een van slegs drie radiale stadsontwerpe in die VSA. Die dorp Buffalo is in [[1810]] uit die westelike gedeelte van die dorp Clarence gevorm.

 

Buffalo was ook die eindpunt van die ''Underground Railroad'', 'n informele reeks van veilige skuilhuise vir Swart Amerikaners, wat teen die middel van die 19de eeu die slawerny ontvlug het. Die inwoners het hulle bystand aan baie vlugtelinge op pad na Fort Erie in die Kanadese provinsie Ontario - en vryheid - verleen.

 

Verskeie Amerikaanse presidente het 'n verbintenis met die stad Buffalo. [[Millard Fillmore]] het hom hier in [[1822]] gevestig voordat hy die 13de President van die Verenigde State geword het. Hy het ook as die eerste kanselier van die Universiteit van Buffalo gedien, wat tans as die SUNY Universiteit in Buffalo bekend staan. [[Grover Cleveland]], die 22ste en 24ste President van die VSA, het in die tydperk tussen [[1854]] en [[1882]] in Buffalo gewoon en van [[1882]] tot [[1883]] as sy burgemeester gedien. [[William McKinley]] is op [[6 September]] [[1901]] by die Pan-Amerikaanse tentoonstelling in Buffalo deur Leon Czolgosz geskiet en is hier op 14 September oorlede. [[Theodore Roosevelt]] is daarna op dieselfde dag in die Ansley Wilcox Mansion (tans 'n nasionale historiese monument, die ''Theodore Roosevelt Inaugural National Historic Site'') ingesweer en het sodoende een van min presidente geword wat hulle ampseed buite [[Washington, D.C.]] afgelê het.

 

Teen die begin van die 20ste eeu was Buffalo 'n vinnig groeiende stad met 'n florerende ekonomie, en immigrante het uit Ierland, Italië, Duitsland en Pole gearriveer om in die plaaslike staalnywerhede en graanmeule te werk. Danksy die nabygeleë Niagara-watervalle met hulle hidroëlektriese kragstasies het Buffalo die eerste Amerikaanse stad met grootskaalse straatbeligting geword en die bynaam "Stad van Lig" ("''City of Light''") gekry. Elektrisiteit is ook gebruik vir dramatiese effekte by die Pan-Amerikaanse tentoonstelling van die jaar 1901.

 

Buffalo is ook deur 'n algemene verskynsel van die na-oorlogse periode geraak, die grootskaalse migrasie na die voorstede. Die bevolking, wat op sy hoogtepunt 'n half miljoen mense bereik het, het met byna vyftig persent gekrimp toe talle plaaslike nywerhede hulle bedrywighede in die stad gestaak het. Baie inwoners het die ''Rust Belt'' ("Roesgordel", die ou hartland van Amerika se swaar nywerhede) verlaat en hulle in die nuwe ekonomiese sentrums van die suide en weste gevestig. Die Erie-distrik het sedert [[1970]] by elke sensus 'n afname van sy bevolking getoon. Saam met St. Louis in Missouri is Buffalo een van min Amerikaanse stede wat in die jaar [[2000]] minder inwoners gehad het as in 1900.

 

Buffalo lê in die sogenaamde ''Niagara Frontier''-streek, 'n gebied wat deur 'n humiede kontinentale klimaat gekenmerk word. Danksy die nabyheid van die Groot Mere en hulle groot invloed op weerstoestande het die plaaslike klimaat ook sterk maritieme trekke. Daarnaas oefen die meerwater ook 'n stabiliserende invloed uit, sodat Buffalo meer sonskynure en minder donderstorms as ander stede in die binneland het. Die gemiddelde jaarlikse temperatuur is 7,9 °C en die gemiddelde jaarlikse reënval 904 millimeter.

 

Die gebied van Buffalo word ook deur aangename herfsweer gekenmerk, alhoewel dié seisoen relatief kort is. Die eerste ryp kom gewoonlik teen die middel van Oktober voor, wanneer koue fronte vanuit Kanada oor die stad trek en bewolkte weer oorheers. Sneeuvalle begin teen die middel van November, terwyl swaar sneeustorms as gevolg van die meer-effek veral in laat November en vroeë Desember aangeteken word.

 

Buffalo en sy omgewing was vir 'n lang tydperk in die spoor-, staal- en motorbedryf betrokke, met ''Pierce-Arrow Corporation'' as die vernaamste motorvervaardiger. Buffalo was baie jare lank die tweede belangrikste sentrum van die Amerikaanse spoorwegvervoer na [[Chicago]]. Die grootskaalse staalproduksie is eweneens lankal gestaak, maar verskeie kleiner staalfabrieke bestaan nog steeds. ''Ford Motor Company'' en ''Chevrolet'' beskik oor altesaam drie nywerhede in of naby Buffalo, waarvan een in Tonawanda ook ''Chevrolet''-motors vervaardig. Ruitveërs is 'n uitvinding, wat in Buffalo gemaak is, en ''Trico'', die plaaslike vervaardiger, het nog 'n aantal aanlegte in die stad.

 

Die plaaslike voedselbedryf spog met 'n aantal bekende maatskappye. Kunsmatige slagroom, wat onder meer van sojaboon-olie vervaardig word, is hier in [[1945]] deur Robert E. Rich, Sr. ontwikkel, en sy onderneming ''Rich Products'' is een van die grootste plaaslike werkgewers in die privaatsektor. Die maatskappy ''General Mills'' is in Buffalo georganiseer en vervaardig hier nog steeds sy ''Gold Medal''-meelblom en graankos-produkte soos ''Wheaties'' en ''Cheerios''. Een van die land se grootste [[kaas|kaasvervaardigers]], ''Sorrento Lactalis'', het hom in [[1947]] in Buffalo gevestig.

 

* Goldman, Mark. ''High Hopes: The Rise and Decline of Buffalo, New York''. Albany: State University of New York Press, 1983.