Venterstad is op [[24 Februarie]] [[1874]] gestig en oorspronklik Ventersburg genoem na J.T. Venter, op wie se plaas die dorp uitgelê is. Die naam moes later verander word na [[Venterstad]] omdat daar intussen ook 'n dorp [[VenterstadVentersburg]] in die [[Vrystaat]] gestig is, hoewel eers in 1890. Die dorpie het in 1895 munisipale status gekry, met die [[Gereformeerde Kerke van Suid-Afrika|Gereformeerde Kerk]] as die geregistreerde eienaar, maar in 1930 is die dorpsgrond aan die plaaslike owerheid oorgedra. Dit was hierdie Kerk wat in 1878 40 erwe aan die [[Nederduitse Gereformeerde Kerk]] oorgedra het. Die NG gemeente is deels van die [[NG gemeente Colesberg]] en deels van die [[NG gemeente Burgersdorp]] afgestig met ds. J.H. Krige van die [[NG gemeente Hofmeyr]], destyds Maraisburg, K.P., as die konsulent. Van sy begin af was die gemeente een van die kleinste in die indertydse Kaapse Kerk: In [[1952]] was hier byvoorbeeld 245 belydende lidmate, in [[1979]] 155 en in [[1985]] 223 en in [[2000]] 149.
