Johannes Calvyn: Verskil tussen weergawes

Content deleted Content added
Voyageur (besprekings | bydraes)
kNo edit summary
Voyageur (besprekings | bydraes)
k Bygewerk
Lyn 43:
 
Ten opsigte van sy teologiese beskouinge is Calvyn deur die Augustynse tradisie beïnvloed, 'n stroming waarvolgens hy sy Uitverkiesingsleer en die absolute gesag van God by die redding van die menslike siel uit die dood en die ewige verdoemenis gepredik het. Sy geskrifte en preke het die basis gevorm vir die Protestantse Christelike stroming wat sy naam dra. Gereformeerde, Kongregasionele en Presbiteriaanse Kerke, wat Calvyn as die grondlegger van hul geloof beskou, het dwarsoor die wêreld uitgebrei.
 
== Politieke oortuigings ==
 
Calvyn se politieke teorie was daarop gemik om die regte en vryheid van gewone mense te verseker. Alhoewel hy daarvan oortuig was dat die Bybel geen bloudruk vir 'n bepaalde regeringsvorm bevat, was hy 'n voorstander van 'n soort gemengde regering waarin demokratiese en elemente van adelsheerskappy gekombineer word. Hy het die voordele van 'n demokratiese stelsel gewaardeer.<ref>Jan Weerda: ''Calvin''. In: ''Evangelisches Soziallexikon''. Stuttgart 1954, kol. 210</ref>
 
Om magsmisbruik verder te beperk en te verhoed, het Calvyn voorgestel om politieke gesag deur middel van wigte en teenwigte tussen verskillende instellings soos adel, laer stande of magistrate te verdeel. Volgens sy leerstellings raak heersers, wat in opstand teen God kom, hul goddelike voorreg kwyt en moet omvergewerp word.<ref>Clifton E. Olmstead: ''History of Religion in the United States''. Englewood Cliffs, NJ: Prentice-Hall 1960, bl. 9-10</ref><ref>Jan Weerda: ''Calvin''. In: ''Evangelisches Soziallexikon'', kol. 211</ref>
 
Staat en kerk is geskei, ofskoon hulle ten voordeel van die voilk moet saamwerk. Christelike magistrate moet seker maak dat die kerk sy opdrag in vryheid kan uitvoer. In uiterste gevalle moet die magistrate gevaarlike ketters verban of teregstel. Maar niemand kan gedwing word om hom tot die Protestantse geloof te bekeer nie.<ref>Jan Weerda: ''Calvin''. In: ''Evangelisches Soziallexikon'', kol. 212</ref><ref>Otto Weber: ''Calvin, Johannes''. In: ''Die Religion in Geschichte und Gegenwart''. Derde uitgawe, boekdeel I (1957), kol. 1598</ref>
 
Calvyn het landbou en tradisionele ambagte as gewone menslike aktiwiteite beskou. Ten opsigte van handel en finansies was hy meer liberaal ingesteld as Martin Luther, alhoewel albei woekering skerp veroordeel het. Calvyn het nogtans die heffing van matige rente op lenings toegestaan. Soos die ander kerkhervormers het Calvyn werk as 'n middel beskou waardeur gelowiges hul waardering vir God se genade en hul verlossing deur Christus betoon en 'n diens vir hul bure verrig. Elkeen was verplig om te werk, terwyl bedelary veroordeel is.
 
Die gedagte dat ekonomiese sukses as 'n sigbare teken vir God se guns beskou kon word, het in Calvyn se denke slegs 'n ondergeskikte rol gespeel. Dit het eers in latere en meer gesekulariseerde vorme van Calvinisme tot die voorgrond getree om die vertrekpunt van Max Weber se teorie oor die opkoms van kapitalisme te word.
 
== Verwysings ==
{{verwysings}}
 
==Sien ook==
* [[Calvinisme]]
 
{{Saadjie}}
 
{{DEFAULTSORT:Calvyn, Johannes}}