[[Koper]] is al in [[1855]] in Okiep ontdek, en die dorp het vinnig tot die sentrum van die kopermynbou in [[Suid-Afrika]] ontwikkel. Okiep is in die 1870's beskou as die rykste kopermyn in die wêreld.
Die eerste myners was Kornies en het die kundigheid van eeue se tin-mynbooumynbou in [[Cornwall]] met hulle saamgebring. Die ruïnes van die geboue wat hulle gebou het, sowel as die klip van die brûe van die spoorlyn om die erts te vervoer na [[Port Nolloth]], kan nog steeds by Okiep gesien word.
In [[1866]] is 'n smalspoorlyn na [[Port Nolloth]] aan die [[Atlantiese Oseaan|Atlantiese kus]] gebou, waarvan die kopererts verskeep kon word. Die smalspoorlyn se bedrywighede het in 1876 begin en vir 68 jaar is erts na Port Nolloth vervoer en teruggekeer met toerusting en voorrade. Weens 'n gebrek aan koelwater vir die stoomlokomotiewe is die Namakwaland-muiltrein tot by die jaar [[1890]] deur muile en perde getrek. Later is hul vervang deur stoomlokomotiewe - die laaste van hierdie, die ''Clara'', staan op Nababeep.
