Grammofoon: Verskil tussen weergawes
Content deleted Content added
k Kategorie:Klanktegnologie bygevoeg (HotCat.js) |
kNo edit summary |
||
Lyn 1:
Die '''grammofoon''' (afgelei van [[Grieks]] γράμμα ''gramma'' "letter, skrif" en φωνή ''phōnē'' "stem, klank, geluid") of '''platespeler''' is 'n toestel vir die weergawe van klank wat tevore op 'n plaat (aanvanklik ook 'n rol of silinder) opgeneem is. Plate, wat op grammofone gespeel word, bevat opnames wat in golfvorm op 'n roterende skyf (oorspronklik 'n silinder) ingegraveer is. Terwyl die skyf roteer, loop 'n naald oor die plaat en trek die golfvorm na. Sy vibrasies gee die klankgolwe weer wat oorspronklik opgeneem is. Die naald is aan 'n arm vasgemaak, terwyl 'n groot horing as versterker gebruik word. Aan die begin van die 20ste eeu het grammofone speel- en musiekdose verdring.
Die [[fonograaf]], wat in 1877 deur Thomas Edison ingevoer is, was die historiese voorloper van die grammofoon. Terwyl ander uitvinders toestelle vir die opname van klank ontwikkel het, was die fonograaf die eerste toestel waarmee klank sowel opgeneem asook weergegee kon word. Edison se fonograaf het klank op 'n silinder vasgelê wat in tinfoelie toegedraai is. Alexander Bell se ''Volta Loaboratory'' het in die 1880's verskeie tegniese verbeteringe aan Edison se fonograaf aangebring, waaronder die gebruik van kartonsilinders wat met was oortrek is. 'n Metaalpen het kronkelend oor die silinder geloop.
Die tegniese oorgang van fonograwe tot grammofone is in 1887 deur die Duitse uitvinder Emil Berliner bewerkstellig. Die patent vir sy toestel, wat hy grammofoon genoem en as handelsmerk laat beskerm het (alhoewel dit gaandeweg as generiese naam vir alle soortgelyke toestelle gebruik is), word as die meganiese voorloper van moderne elektriese platespeler beskou. Berliner het ook die grammofoonplaat ontwikkel - 'n plat tweekantige skyf met groewe wat 'n [[Archimedesspiraal]] gevorm en van die buitekant na binne geloop het. In teenstelling met silinders was plate baie geskik vir massavervardiging. Die skellakplate van die laat 19de en vroeë 20ste eeu is later deur vinielplate vervang. Ook aan die grammofoon is gaandeweg tegniese verbeteringe aangebring waardeur die draaiskyf en magnetiese naald (wat as aandrywer dien) asook die klankweergawe en effenaar geoptimaliseer.
| |||