Laerskool Groote Schuur: Verskil tussen weergawes

<!-- [[Beeld:LGS_wapen.jpg|thumb|Die wapen is aangepas om die Engelse benaming te akkommodeer en die leuse van Afrikaans na Latyn verander]] -->

 

Die '''Laerskool Groote Schuur''' is 'n staatslaerskool in [[Rondebosch]], [[Kaapstad]], wat onderrig aan seuns en meisies van gr. R tot gr. 5 bied. Die skool is in 1936 gestig om in die behoeftes van die destydse Afrikaanse gemeenskap te voorsien, maar met die geleidelike kwyning van die Afrikaanse bevolking in die suidelike voorstede, het dit in 1996 dubbelmedium geword<ref>[http://www.gsps.wcape.school.za/rubies/19jul11.pdf Die skool se amptelike webwerf]</ref> en in 2009 eentalig Engels.

 

Toe die ouers die oggend van [[29 Januarie]] [[1936]] by Oakhurst opdaag om hulle kinders in te skryf, moes hulle hoor Oakhurst se skoolkomitee weier beslis om parallelle klasse by die skool in te voer. Die ouers het buite die skool gewag terwyl Bosman en mev. J.D.M. Claassens per motor stad toe is om met die departement van onderwys te beraadslaag. Die superintendent-generaal was met vakansie op [[Hermanus]], daarom het die sekretaris van die departement toestemming verleen die kinders kon tydelik in die [[NG gemeente Rondebosch]] se kerksaal gehuisves word.

 

 

Die kerkraad het onmiddellik ingewillig om die saal aan die skooltjie te verhuur en mev. G. Dippenaar is as tydelike onderwyseres aangestel. Saam met die skoolhoof, mnr. D. Lamprecht, wat in Julie [[1936]] op aanbeveling van die stigters aangestel is, het die stewige fondamente van die skool gelê. In dieselfde maand as die hoof is ook 'n tydelike assistente aangestel. Gedurende die tweede kwartaal van die eerste jaar is reeds 36 kinders ingeskryf, sodat die kerksaal met 'n gordyn in twee gedeel moes word en die konsistorie ook as klaskamer moes dien.