George Bradshaw: Verskil tussen weergawes
Content deleted Content added
Lyn 57:
In 1918 is die gids teen twee sjieling (10p) verkoop. Die prys het gestyg tot 'n halfkroon (12½p) in 1937. Alhoewel historiese geldwaardes moeilik is om te bereken, het dié prys gelykgestaan aan ruim £6.00 in huidige geldwaarde.
=== Latere geskiedenis ===
Vanaf 1923 was Bradshaw se gidse minder noodsaaklik vir treinreisigers nadat meer as 100 oorlewende spoorwegmaatskappye saamgesmelt is om die "Groot Vier" (''Big Four'') te vorm. Die getal spoorwegroosters, wat deur treinmaatskappye self uitgegee is, het dramaties afgeneem. Die maatskappye het nou 'n klein aantal omvattende roosters gepubliseer wat elkeen 'n deel van die land gedek het. Drie van die vier groot spoorwegmaatskappye het die produksie van hul roosters tussen 1923 en 1939 aan Bradshaw se uitgewery, Henry Blacklock & Co., oorgedra. Die meeste amptelike spoorwegroosters het sodoende as herdrukte uitgawes van die ooreenstemmende bladsye in Bradshaw-gidse verskyn. Slegs ''Great Western Railway'' het voortgegaan om hul eie formaat te publiseer.
In die tydperk tussen die twee wêreldoorloë is die werkwoord ''to Bradshaw'' in die Britse Koninklike Lugmag (''Royal Air Force'') as 'n neerhalende term vir vlieëniers gebruik wat nie regtig kon navigeer nie. Dié uitdrukking is moontlik gevorm om na diegene vlieëniers te verwys wat spoorweë as hul navigasielyne gebruik het.
Toe die Britse spoorweë in 1948 genasionaliseer is, het vyf van die ses nuwe British Railways-streke aanvanklik die voorbeeld van voor-oorlogse treinmaatskappye gevolg en hul spoorwegroosters deur ''Blacklock'' te laat vervaardig. Die produksie is uiteindelik aan ander uitgewers oorgedra. Hierdie besluit het ''Blacklock'' se bedryfsinkomste merkbar laat daal. Dele van Bradshaw se gids is vanaf 1955 in ''British Railways (BR)'' se nuwer styl gepubliseer, maar die hele uitgawe se modernisering is nooit voltooi nie. In 1961 is Bradshaw se gids teen 12s 6d (62½p volgens die desimale stelsel) verkoop, in vergelyking met 6s (30p) vir 'n stel van BR se streeksroosters.
Vir Bradshaw-gidse was die einde onvermydelik. Die laaste uitgawe het as nommer 1521 in Mei 1961 verskyn. Die Britse spoorwegtydskrif ''The Railway Magazine'' het in dieselfde maand afskeidsartikel van Charles E. Lee gepubliseer. Intussen het herdrukte uitgawes van verskillende Bradshaw-gidse.
==''Great British Railway Journeys/Great Continental Railway Journeys''==
| |||