Ysberg

'n Ysberg is 'n groot stuk varswater ys wat van 'n gletser of yskap afgebreek het en in die see ronddryf. Die Engelse term iceberg is 'n leenvertaling van die Nederlandse ijsberg. Die digtheid van 'n ysberg is minder as die van seewater, wat beteken dat ysberge op die oseaan dryf. Die digtheidsverskil is egter nie baie groot nie (ongeveer 920 teenoor 1025 kg/m³) en dus dryf slegs omtrent een tiende van die ysberg bo die water. Ysberge kom meestal naby die pole voor.