Gé Korsten: Verskil tussen weergawes

Korsten is op [[6 Desember]] [[1927]] in [[Rotterdam]], [[Nederland]] gebore. Hy is die jongste van agt kinders en het as negejarige seun in 1936 saam met sy ouers na Suid-Afrika geïmmigreer en in Johannesburg-Noord gaan woon waar hy matrikuleer aan die latere Highlands North Boys' High School, wat destyds gemeng was. Hy het sy loopbaan as [[opera|operasanger]] begin en was reeds op 20-jarige ouderdom lid van die [[Suid-Afrikaanse Uitsaaikorporasie|SAUK]] se kore. Hy het in 1952 stemopleiding ontvang by die South African College of Music in Kaapstad onder leiding van Adelheid Armhold.

In 1955 het hy na [[Pretoria]] verhuis waar hy verdere opleiding onder leiding van Albrecht Lewald ontvang het. Hy was in dieselfde jaar ook een van die stigterslede van die Pretoria-operagroep. Sy operadebuut maak hy in 1956 as Canio in ''Pagliacci''. In 1962 word 'n oorsese studiebeurs aan hom toegeken waarna hy in 1963 in Europa onder Judith Hellwig verdere opleiding ontvang en ook die geleentheid kry om in operas in Europese stede soos [[Wene]] en [[München]] op te tree. Hy het vir 'n tyd lank ook in [[Pretoria]] 'n elektriese kontrakonderneming besit, maar het sy belang in die onderneming in 1970 verkoop om sy tyd voltyds aan musiek te wy. In 1976 het hy die Nederburgprys vir Opera ontvang vir sy hoofrol in ''Andrea Chénier''.

Korsten het in 1965 sy betrokkenheid by ligte musiek begin toe hy sy eerste langspeelplaat ''Gé Korsten Sing uit die Hart'' uitgereik het. In 1966 het hy nog vier langspeelplate uitgereik. Sy rolprentdebuut maak hy in 1967 in ''Kruger Miljoene''. Later daardie jaar vertolk hy ook die hoofrol in die baie gewilde fliek ''Hoor My Lied'', ook met [[Min Shaw]] en [[Lindie Roux]]. Die klankbaan vir hierdie fliek het aan Korsten 'n goue plaat besorg. Drie ander rolprente het gevolg:

Korsten het nege goue plate agter sy naam gehad. Hy het tydens sy loopbaan, wat oor 40 jaar gestrek het, 58 albums opgeneem. Hy het ses [[Sarie-toekenning]]s ontvang en in 1979 'n [[Artes]]-toekenning vir sy TV-program ''Gé Sing''. Hy het ook die rol van Walt Vorster in die [[sepie]] ''[[Egoli: Plek van Goud|Egoli]]'' gespeel. In 1985 is hy as hoofdirekteur van [[Kruik]] in Kaapstad aangestel en het die pos tot in 1989 beklee. Hy het vermoedelik kanker gehad en het in 1999 selfmoord gepleeg. Die Korsten-egpaar het vyf kindersgehad, waaronder die dirigent Gerard Korsten. Ten tyde van Elna se dood in 2012 was daar 13 kleinkinders.