Sotsji: Verskil tussen weergawes

Content deleted Content added
Voyageur (besprekings | bydraes)
Voyageur (besprekings | bydraes)
Lyn 93:
 
Die wintertemperature daal dikwels tot vriespunt in die berggebiede soos Krasnaja Poljana (600 meter bo seevlak), waar wedstryde van die Olimpiese Winterspele 2014 gehou word. Die skigebiede is tussen die middel van Januarie en Maart deurgaans met sneeu bedek, en die sneeu is 2 meter of selfs dieper in Maart. In die hoër geleë berggebiede duur die skiseisoen selfs van November tot die begin van Junie.
 
== Sotsji as herstellingsoord ==
Danksy die kombinasie van genesende faktore soos see, son, skoon lug, die reliëf van sy landskap en mineraalbronne met moderne sanatoria, hoogs gekwalifiseerde personeel, gesofistikeerde tegnologie en geneeskundige sorg van 'n hoë standaard is Sotsji tans die gewildste en doeltreffendste herstellingsoord in die Russiese Federasie. Die terapieë, wat hier aangebied word, fokus op die klimaat (met son- en lugbaddens) en balneologiese metodes (swawelbaddens, jodium-broom-baddens, baddens met karbonsuur en modder en stortbaddens), sport (oefenapparate, staptoere, swem en roeisport), asem- en dieetterapieë en masserings. Sommige sanatoria maak daarnaas ook gebruik van Oosterse terapieë soos akupunktuur.
 
== Olimpiese en Paralimpiese Winterspele 2014 ==