Maak hoofkeuseskerm oop

Wysigings

143 grepe bygevoeg ,  5 jaar gelede
k
 
=== Die Romeinse tydperk ===
==== Oppidum Ubiori en Colonia Agrippina ====
[[Lêer:Roman Cologne, reconstruction.JPG|thumb|right|250px|'n Rekonstruksie van die Romeinse stad]]
[[Lêer:Koeln roemerturm 031204.jpg|thumb|right|250px|Die Romeinse toring, 'n oorblyfsel van die antieke stadsmuur]]
 
Oorspronklik het 'n klein Germaanse volk met die Latynse naam ''Eburones'' op die linkeroewer van die Ryn gewoon. In die jaar 53 v.C. is hulle deur [[Julius Caesar|Gaius Julius Caesar]] verslaan en feitlik uitgewis. 'n Ander volk in die gebied, die Ubiërs, het besluit om liewer geen weerstand teen die veroweraars te bied nie en eerder 'n verbond met die Romeine te sluit. Die Romeinse veldheer [[Marcus Vipsanius Agrippa|Agrippa]], 'n skoonseun en vriend van keiser [[Augustus]], het die Ubiër-nedersetting van die regter- na die linkeroewer van die Ryn verskuif. Die versterkte nedersetting ''oppidum Ubiori'', wat in [[39 v.C.]] ontstaan het, was die voorloper van die stad Keulen. Ubiërs het vervolgens as hulpsoldate 'n belangrike rol by die militêre beskerming van die Ryngrens gespeel.
 
Kort voor die begin van die Christelike jaartelling is die nedersetting se status tot dié van 'n sentrale dorp verhef. 'n Altaar, die ''Ara Ubiorum'', is opgerig en twee van Rome se vier Rynlegioene in die nabygeleë militêre kamp gestasioneer. In 15 of 16 n.C. is Julia Agrippina, die dogter van Germanicus en latere vrou van keiser [[Claudius]] (10 v.C. - 54 n.C.) en moeder van keiser [[Nero]] (37-68) in die Oppidum Ubiorum gebore. Die Ubiërs het in hierdie tydperk begin om na hulself as Agrippinense te verwys. Die vader van Agrippina was die teenspeler van Arminius, en blykbaar het die Ubiërs as geromaniseerde Germane hulself eweneens van dié rebel gedistansieer.
In [[50|50 n.C.]] is keiser Claudius deur sy nig en eggenote Julia Agrippina, 'n boorling van Keulen en die moeder van Nero, oorreed om stadstatus aan die nedersetting te verleen. Dit het vervolgens die nuwe Latynse naam ''Colonia Claudia Ara Agrippinensium'' gekry (wat dikwels met sy voorletters CCAA afgekort of net Colonia Agrippina genoem is). Die term ''colonia'' het na die Romeinse burgerreg verwys, ''Claudia'' na die ontstaanstyd (gedurende keiser Claudius se heerskappy), ''ara'' na die feit dat 'n belangrike Romeinse altaar in die gebied opgerig is, en ''Agrippinensium'' na Agrippina, wat die aanleiding tot die stigting van die kolonie gegee het. Die nedersetting was voortaan in regtelike opsig gelykgestel aan Italiese stede.
 
==== Romeinse metropool noord van die Alpe ====
Die stad het tot een van die belangrikstes in die [[Romeinse Ryk]] gegroei. Aanvanklik was dit veral 'n militêre voorpos met die laers van die 1<sup>ste</sup> en 20<sup>ste</sup> Romeinse legioen (hulle is later na Bonna - die huidige [[Bonn]] - verskuif), maar dit het vinnig sakemanne, veterane, kunstenaars en beamptes gelok. Die stad het 'n oppervlakte van een vierkante kilometer gehad en is met 'n verdedigingsmuur teen aanvalle beskerm. Strate is volgens 'n roosterpatroon aangelê, en 'n waterleiding het die stad oor 'n afstand van 80 kilometer van vars water uit die Eifelgebergte voorsien. Ondergrondse kanale het rioolwater afgevoer. Die stad het met pragtige pleine gespog, en die woonhuise se mure is deur kunstenaars versier.
 
99 529

wysigings