N2 (Suid-Afrika): Verskil tussen weergawes

:''Hierdie artikel bevat inligting oor die N2, een van [[Suid-Afrika]] se hoofpaaie.''

Die '''N2''' is een van [[Suid-Afrika]] se 17 [[Nasionale paaie in Suid-Afrika|nasionale paaie]]. Dit is die hoofsnelweg aan die Suidkus van Suid-Afrika. Dit begin/eindig by [[Ermelo, Mpumalanga|Ermelo]] in [[Mpumalanga]], en beweeg dan teen die kus van [[KwaZulu-Natal]] af, verby [[Durban]], deur die [[Tuinroete]], en die [[Oos-Kaap]] tot waar dit eindig in [[Kaapstad]] in die [[Wes-Kaap]].

 

Groot dorpe en stede langs die roete van die N2 sluit [[Kaapstad]], [[Somerset-Wes]], [[Caledon]], [[Swellendam]], [[Mosselbaai]], [[George]], [[Knysna]], [[Humansdorp]], [[Port Elizabeth]], [[Grahamstad]], [[King William's Town]], [[Bhisho]], [[Oos-Londen]], [[Mthatha]], [[Kokstad]], [[Port Shepstone]], [[Durban]], [[KwaDukuza]], [[Empangeni]], [[Piet Retief, Mpumalanga|Piet Retief]] en [[Ermelo, Mpumalanga|Ermelo]] in.

 

[[Lêer:Cape Town N2.jpg|thumb|300px|Die '''N2''' wat in [[Kaapstad]] begin/eindig.]]

[[Lêer:George N2.jpg|thumb|300px|Die '''N2''' tussen George en Mosselbaai.]]

Die N2 begin/eindig in sentraal [[Kaapstad]] by die noordelike end van die [[Buitengracht]] buite die ingang van die [[Victoria & Alfred Waterfront]]. Die eerste seksie van die N2 loop saam met die begin van die [[N1 (Suid-Afrika)|N1]]; dit is 'n vier-baan verhewe snelweg wat tussen die stadskern en die [[Kaapstadse hawe]] loop. Op die oostelike kant van die stadskern deel die pad in twee en die N2 draai in 'n suidelike rigting as Eastern Boulevard, oorkruis dan die spoorwerf en nader die spore van die [[Kaapstadse Treinstasie]].

 

Wes van Mosselbaai word die N2 weer 'n verdeelde snelweg en bly so tot die kruising met die [[N12 (Suid-Afrika)|N12]] net buite [[George]]. Vandaar gaan dit oor die [[Kaaimansgat]] na [[Wildernis]], verby [[Sedgefield]] tot by [[Knysna]] en [[Plettenbergbaai]]. Na Plettenbergbaai is 'n deel van die N2 'n tolpad; dit staan bekend as die Tsitsikamma Tolroete. Dit is hoofsaaklik as gevolg van die [[Bobbejaansrivierbrug]], [[Grootrivierbrug]] en die [[Bloukransrivierbrug]] wat gebou moes word. 'n Alternatiewe roete gaan deur [[Nature's Valley]]. Die [[Bloukransrivier]] en brug is die grens met die [[Oos-Kaap]].

 

In die Oos-Kaap gaan die N2 oor die [[Groot Stormsrivierbrug]] en gaan naby aan [[Humansdorp]] en [[Jeffreysbaai]] verby voordat dit oor die [[Van Stadensrivierbrug]] gaan. Die pad is nou 'n vier-baan verdeelde snelweg deur [[Port Elizabeth]] word en eindig in [[Coega]]. Die N2 gaan verder in 'n noordoostelike rigting vanaf Port Elizabeth en beweeg weg van die kus in die rigting van [[Grahamstad]]; die [[N10 (Suid-Afrika)|N10]] breek oppad weg van die N2 in die rigting van [[Middelburg, Oos-Kaap|Middelburg]] in die binneland. Na Grahamstad gaan die N2 deur die voormalige [[Ciskei]]; by [[King William's Town]] draai dit terug na die kus en bereik dit [[Oos-Londen]]. Die N2 gaan verby Oos-Londen met 'n verbypad en ontmoet die [[N6 (Suid-Afrika)|N6]], wat noordwaarts van Oos-Londen na [[Bloemfontein]] gaan.

 

Na Oos-Londen keer die N2 weer terug na die binneland om die moeilike terrein van die [[Wildekus]] te vermy. Dit gaan deur die voormalige [[Transkei]]. Die eerste dorp is [[Butterworth]] en dan Transkei se voormalige hoofstad [[Mthatha]]. Daarna gaan die pad deur [[Mount Frere]] en [[Mount Ayliff]]. Naby [[Kokstad]] betree die N2 [[KwaZulu-Natal]].

 

Van Kokstad draai die N2 weer terug na die kus en bereik die see by [[Port Shepstone]]. Vanaf Port Shepstone is dit 'n snelweg verby die oord-dorpe van die Natalse Suidkus insluitende [[Umzumbe]], [[Hibberdene]], [[Ifafa Strand]], [[Scottburgh]], [[Umkomaas]] en [[Amanzimtoti]] voordat dit met 'n verbypad om [[Durban]] gaan. By die EB Cloete wissellaar in Westville kruis die N2 en [[N3 (Suid-Afrika)|N3]] nasionale pad vanaf Johannesburg.

 

Na Durban gaan die N2 verder aan as 'n snelweg langs die Natalse Noordkus. Dit gaan verby [[Umhlanga Rocks]] en na sowat 40 km die afdraai na die [[Koning Shaka Internasionale Lughawe]]. Dan gaan die pad by [[Ballito]] en [[Tongaat]] verby, met die snelweg wat by [[KwaDukuza]] eindig. Dit gaan by die hawe in [[Richardsbaai]] verby en draai noord en beweeg weg van die kus in die hartjie van Zoeloeland. Dit gaan naby aan [[St. Lucia, KwaZulu-Natal|St Lucia]], [[St. Luciameer]] en die [[iSimangaliso-vleilandpark]] en [[Hluhluwe-Imfolozipark]] verby. Die N2 gaan dan verby die [[Pongolapoortdam]]. Dit swaai nader aan Swaziland naby die [[Golela]]grenspos verby, draai dan wes en gaan deur [[Pongola]] voordat dit [[Mpumalanga]] betree.

 

In Mpumalanga bly die N2 na aan die Swaziland-grens deur [[Piet Retief, Mpumalanga|Piet Retief]]<ref>[[Op Pad in Suid-Afrika]] [[B.P.J. Erasmus]]. 1995. ISBN 1-86842-026-4</ref> waarvandaan dit noordwes gaan om in [[Ermelo, Mpumalanga|Ermelo]] te eindig. Ermelo is deur die [[N17 (Suid-Afrika)|N17]] verbind met [[Johannesburg]] en [[Mbabane]] en met die [[N11 (Suid-Afrika)|N11]] na [[Potgietersrus]] en [[Ladysmith]].

 

Swaar reën het 'n modderstorting tot gevolg gehad op die [[Kaaimansgat|Kaaimanspas]] tussen George en Wildernis. Dit het tot gevolg gehad dat die pad tydelik gesluit was van 26 tot 29 Augustus 2006. As gevolg van die modderstorting het 'n gedeelte van die pad ingesak en het groot krake in die padoppervlak begin verskyn. Na 'n inspeksie van 'n ingenieurspan is 'n enkele baan oopgemaak vir voertuie met 'n brutogewig van onder 5000&nbsp;kg.

 

 

Verkeer op die N2 is ook verskeie kere versteur deur protesoptogte. Op 11 September 2007 het inwoners van die Joe Slovo informele nedersetting die N2 in Kaapstad naby [[Langa]] versper. Die polisie het dit opgebreek deur rubberkoeëls op inwoners af te vuur en het 30 mense gewond.<ref>{{cite web|url=

 

* [[Nasionale paaie in Suid-Afrika]]

 

* [http://www.nra.co.za Suid-Afrikaanse Nasionale Padagentskap]

* [http://www.shellgeostar.co.za Shell Inligtingsblad]