[[Lêer:SA road N7.svg|thumb|100px|Padteken van die N7.]]
[[Lêer:Map of the N7 (South Africa).svg|thumb|Die N7 word in rooi aangedui.]]
[[Lêer:N7-Vanrhynsdorp.jpg|thumb|Die N7 noord van [[Vanrhynsdorp]], Wes-Kaap.]]
[[Lêer:RSA N7 Namaqualand.JPG|thumb|Die N7 naby [[Springbok]], Namakwaland.]]
Die '''N7''' is een van die [[Nasionale paaie in Suid-Afrika|nasionale paaie]] in Suid-Afrika. Die pad verbind [[Kaapstad]], in die [[Wes-Kaap]] met [[Vioolsdrif]], [[Noord-Kaap]].
== Wes-Kaap ==
Die N7 begin deur van die [[N1 (Suid-Afrika)|N1]] af te draai in Kaapstad en hou dan regreguit noord vir 53 km voor die dorp [[Malmesbury]] teëgekom word. Halfpad soontoe gaan die reisiger die [[Swartland]] binne wat bekend is vir sy koringlande. Die N7 hou steeds noord en 40 km later gaan die pad verby [[Moorreesburg]]. Nog 26 km verder gaan die N7 eers oor die [[Bergrivier]] en dan verby [[Piketberg]]. Die volgende 45 km gaan ook vinnig verby voor die pad via die [[Piekenierskloofpas]] verby [[Citrusdal]] gaan. Die reisiger het nou die Swartland verlaat en gaan die [[Olifantsriviervallei]] en [[Sederberg]] areas binne met die Sederberg aan die regterkant sigbaar. Die pad hou nou noordoos en die [[Olifantsrivier, Wes-Kaap - Namakwaland|Olifantsrivier]] bly aan die reisiger se regterkant. Na 53 km word daar verby eers verby die [[Clanwilliamdam]] en dan by die dorp [[Clanwilliam]] verby gery. Die pad hou steeds langs die Olifantsrivier vir 38 km en swaai dan skielik noordwes, kruis die rivier, gaan verby [[Klawer]] en hou noordwes tot by [[Vanrhynsdorp]]. Nou het die reisiger [[Namakwaland]] binnegegaan.
