N11 (Suid-Afrika): Verskil tussen weergawes

[[Lêer:SA road N11.svg|thumb|100px|Padteken van die N11.]]

Die '''N11''' is een van [[Suid-Afrika]] se 17 [[Nasionale paaie in Suid-Afrika|nasionale paaie]]. Hierdie nasionale pad gaan deur drie provinsies: [[KwaZulu-Natal]], [[Mpumalanga]] en [[Limpopo (provinsie)|Limpopo]]. Daar is baie besienswaardighede op die roete.<ref>http://www.routes.co.za/route/nindex.html</ref> Dit verbind die [[N3 (Suid-Afrika|N3)]], KwaZulu-Natal met die [[Groblersbrug]] grenspos op die grens met [[Botswana]]grens.

Die N11 begin in KwaZulu -Natal waar dit aftak van die [[N3]] nasionale pad 15&nbsp;km suid van die Tugela tolhek in 'n oostelike rigting. Na 19&nbsp;km gaan die pad deur [[Ladysmith]] en swaai dan noordoos. Die N11 gaan dan verby die [[Elandslaagte]] slagveld, verby [[Biggarsberg]] en [[Fort Mistake]] en na 57&nbsp;km word die afdraai van die R68 hoofpad bereik. Die R68 gaan na [[Glencoe]] en [[Dundee]]. Na 'n verdere 64&nbsp;km word die afdraai van die R34 hoofpad bereik nadat daar eers verby die [[Ntshingwayodam]] en die afdraai na [[Newcastle]] gery is. Die pad na [[Volksrust]] is 40&nbsp;km noord. Daar word op die pad deur die [[Laingsnekpas]] gery, dan verby die berg en slagveld van [[Majuba]] en deur [[Charlestown]] gery. Volksrust is in Mpumalanga.

Van Volksrust hou die pad steeds noord vir 41&nbsp;km tot by [[Amersfoort]]. [[Ermelo]] is 59&nbsp;km verder noord. Ongeveer 35&nbsp;km voor Ermelo word die [[Vaalrivier]] gekruis. By Ermelo word die [[N17 (Suid-Afrika)|N17]] nasionale pad gekruis terwyl die [[N2 (Suid-Afrika)|N2]] nasionale pad ook hier begin. Die N11 swaai nou noordwes en 50&nbsp;km verder is [[Hendrina]]. Die [[N4 (Suid-Afrika)]N4] nasionale pad word 43&nbsp;km verder gekruis en na nog 9&nbsp;km word [[Middelburg, Mpumalanga|Middelburg]] teëgekom. [[Groblersdal]] is 92&nbsp;km verder; halfpad word verby die [[Loskopdam]] gery en [[Limpopo (provinsie)|Limpopo]] binne gegaan.