Alba Bouwer: Verskil tussen weergawes

Content deleted Content added
Ossewa (besprekings | bydraes)
skakel Renosterrivier
Lyn 3:
==Lewensloop==
Albertha Magdalena Bouwer is op ’n plaas in die distrik [[Vredefort]] in die destydse provinsie [[Oranje-Vrystaat]] gebore. Haar vader is oorlede toe sy nog ’n baba was. Ses jaar na haar geboorte trou haar moeder weer en verhuis hulle na ’n plaas op die oewer van die [[Renosterrivier]]. Hier het sy ’n plaasskool bygewoon. Nadat haar stiefvader ook sterf, verhuis die gesin na die wynplaas by [[Klein Drakenstein]] waar haar moeder opgegroei het.
Sy het in [[1936]] aan die Hoër Meisieskool La Rochelle in die [[Paarl]] gematrikuleer. Daarna behaal sy ’n B.A.-graad in Afrikaans, Nederlands en Duits sowel as ’n onderwysdiploma aan die destydse [[Hugenote Universiteitskollege]] in [[Wellington]]. Na 4 jaar as onderwyseres aan die Hoërskool [[Burgersdorp]] in die Karoo verskuif sy na die [[Hoërskool Jan van Riebeeck]] in Kaapstad. Twee jaar later word sy redaktrise van die vroueblad Huishouding. Van 1948 tot 1950 is sy werksaam by die SAUK as vervaardiger van kinderprogramme. Daarna word sy aangestel as adjunkredakteur van die vrouetydskrif Sarie Marais (nou bekend as die [[Sarie]]). Hierdie pos beklee sy vir 13 jaar. Sy was nou gemoeid met die Afrikaanse Christelike Vrouevereniging ([[ACVV]]) en was jare lank ’n bestuurslid en langer as 20 jaar die ondervoorsitter van die organisasie. [[M.E.R.]] en Anna Rothmann was deel van haar vriendekring.
 
Alba Bouwer was eers getroud met Hubert Coetzee, ’n wewenaar met twee tienerkinders. Hy was die besturende direkteur van Nasionale Pers, die uitgewers van die Sarie. In [[1975]], ses jaar na die afsterwe van haar eerste man, trou sy met ’n prokureur van [[Riversdal]], Jan Hofmeyr, ook ’n wewenaar en met vyf kinders. In [[1994]] verhuis die Hofmeyr-egpaar na [[Somerset-Wes]]. Daar is sy op 5 Oktober [[2010]] oorlede en op 12 Oktober te Riversdal ter ruste gelê.