Taung-kind: Verskil tussen weergawes

Die '''Taung-kind''' is ’n skedel van die ''[[Australopithecus africanus]]'' wat in 1924 in ’n kalkgroef in [[Taung]], [[Suid-Afrika]], gevind is deur werkers van die Northern Lime Company. Die skedel het in die besit gekom van Raymond Dart, ’n anatoom van die [[Universiteit van die Witwatersrand]], en hy het die belangrikheid daarvan besef. Hy het die ontdekking in 1925 in die tydskrif ''Nature'' gepubliseer en gesê die skedel is van ’n tussenspesie tussen die aap en die mens. Dit is destyds deur die wetenskaplike gemeenskap verwerp weens die geloof dat ’n groter kopbeenkapasiteit nodig was vir loop op twee bene.<ref name="info">[http://www.archaeologyinfo.com/australopithecusafricanus.htm Australopithecus africanus]</ref> Sir Arthur Keith het gemeen die kopbeen is dié van ’n jong aap, waarskynlik ’n klein [[gorilla]]. Die publiek het die nuwe spesiegenus eers 20 jaar later aanvaar en dit het toe ’n ware lid van die [[Homininae]] geword.