Reënboog: Verskil tussen weergawes

'n '''Reënboog''' is 'n boog van gekleurde lig wat ontstaan wanneer die [[son]] teen 'n waterdruppel skyn en die wit lig dan deur middel van [[ligbreking]] in die volledige kleurspektrum opgebreek word. Die middelpunt van die reënboog staan reg teenoor die son en die boog het 'n straal van ongeveer 42°. Die [[kleur]]e van die reënboog is, van buite na binne, [[rooi]], [[oranje (kleur)|oranje]], [[geel]], [[groen]], [[blou]], [[indigo]] en [[violet]].

Die reënboog word veroorsaak deur die [[ligbreking|breking]] van sonlig wat deur 'n waterdruppel skyn. Die lig breek wanneer dit die waterdruppel binnegaan, en nogmaals wanneer dit die waterdruppel verlaat, net soos in 'n prisma. Die verskillende kleure in die wit sonlig breek ondermet verskillende hoeke, wat 'n spektrum oplewer. Die hoek waaronder die lig breek is nie afhanklik van die grootte van die druppel nie, maar wel van die [[brekingsindeks]] daarvan. Seewater het 'n groter brekingsindeks as vars water, dus het reënboë oor seewater 'n kleiner straal as reënboë deur reënwater. Die reënboog is ook sigbaar in 'n [[fontein]] of in die water wat uit 'n tuinslang spuit.