Driehoek (sterrebeeld): Verskil tussen weergawes

Die '''Driehoek''' ([[Latyn]]: ''Triangulum'') is ’n [[sterrebeeld]] in die noordelike hemelruim en moenie verwar word met die [[Suidelike Driehoek (sterrebeeld)|Suidelike Driehoek]] nie. Die naam kom van die drie helderste sterre, met ’n helderheid van 3 of 4 [[Magnitude|mag]], wat ’n nou driehoek vorm. Dit is een van die 48 konstellasies wat deur die 2de-eeuse sterrekundige [[Ptolemeus]] beskryf is en is steeds een van die 88 moderne sterrebeelde.

 

Die Driehoek het geen sterre wat ’n helderheid van 1&nbsp;mag het nie. Sy helderste ster is die wit [[reusester]] Beta Trianguli (β Tri) van 3&nbsp;mag. Die tweede helderste is die geel-wit [[Subreusester|subreus]] Alpha Trianguli (α&nbsp;Tri, ook bekend as Caput Trianguli) van 3,41&nbsp;mag. Die derde ster, 6&nbsp;Trianguli, is ’n [[dubbelster]] met ’n merkbare kleurkontras wat deur ’n medium-groot teleskoop in ’n sterk geel en dowwe blou ster geskei word. Albei dié sterre is self ook dubbelsterre.<ref>Robert Burnham, Jr (1978). ''Burnham's Celestial Handbook'', Dover Publications, New York. ISBN 0-486-24065-7</ref>

 

Die [[Driehoek-sterrestelsel]], ook bekend as Messier&nbsp;33, wat in die 1600's deur Giovanni Battista Hodierna ontdek is, is sowat 2,3&nbsp;miljoen [[ligjaar|ligjare]] van die [[Aarde]] af. Teen ’n helderheid van 5,8&nbsp;mag kan dit op ’n baie donker nag met die blote oog gesien word. Dit het ’n deursnee van 46&nbsp;000 ligjare en is dus kleiner as die [[Melkweg]]. Die sterrebeeld bevat ook verskeie ander, dowwer sterrestelsels.

 

* [[Suidelike Driehoek]]

 

{{Verwysings}}

 

* [http://www.allthesky.com/constellations/aries/ The Deep Photographic Guide to the Constellations: Triangulum]

* [http://www.ianridpath.com/startales/triangulum.htm Star Tales – Triangulum]

{{CommonsKategorie-inlyn|Triangulum}}

 

 

{{Sterrebeelde}}

 

[[Kategorie:Driehoek (sterrebeeld)| ]]