Doegong: Verskil tussen weergawes

Die '''doegong''' of '''doejong''' is 'n [[soogdier|seesoogdier]] en die kleinste lid van die orde [[Sirenia]] (wat ook die [[lamantyn]] insluit). Die naam het sy oorsprong uit die [[Maleis]]e ''duyung'', wat "dame van die see" of "[[meermin]]" beteken. Die dier word net in vlak water aangetref en word deur die [[IUBN]] geklassifiseer as 'n [[kwesbare spesie]].

 

Die doegong se totale lengte is tussen 2,5 m en 3 m. Die liggaam is sigaarvormig en die dier het vinpote en stertlobbe. Die vinpote is spaanagtig. Daar is nie agterpote nie, net 'n groot vlesige stert wat soos die dolfyn se stert horisontaal afgeplat is. Die velkleur is grysbruin, en is bo 'n bietjie donkerder as onder. Die bek en onderlip is bedek met kort, dik borselhare.

 

In [[Suider-Afrika]] kom die doegong voor langs die suidkus van [[Mosambiek]], maar enkele swerwers word ook langs die [[KwaZulu-Natal]]se kusgebied aangetref. Wêreldwyd het die voorkoms van die soogdiere afgeneem van die hele suidelike gedeelte van die [[Stille Oseaan|Stille]] en [[Indiese Oseaan]] tot enkele gebiede in [[Australië]], [[Nieu-Guinee]], [[Palau]] en klein getalle langs die ooskus van [[Afrika]].

 

Die doegong bewoon slegs vlak, beskutte water naby die kuslyn.

 

Doegongs is gewoonlik alleenlopers, maar kan ook in pare of familiegroepe voorkom. Hulle swem stadig en kan tot vyf minute lank onderwater bly, alhoewel die gemiddelde duiktog nie veel langer as 'n minuut duur nie.

 

Die spesie eet etlike soorte seegras wat voorkom in beskutte, vlak strandbaaie of strandmere.

 

Een kalf word tussen November en Januarie voortgebring.

 

<gallery>

Dugong mother offspring.jpg|Ma met kalf

</gallery>

 

* [[Lys van Suider-Afrikaanse soogdiere]]

* [[Lys van Suider-Afrikaanse soogdiere volgens wetenskaplike name]]

* [[Suider-Afrikaanse soogdiere en hul ordes]]

 

* [http://www.arkive.org/species/GES/mammals/Dugong_dugon/ Beelde en video's van die doegong]

* [http://www.robertosozzani.it/Dugong Die doegong]

 

{{Verwysings}}

* 'Veldgids tot die soogdiere van Suider-Afrika'. Chris en Tilde Stuart. Eerste uitgawe, 1988.

[[Kategorie:Doegongs]]

 

{{Link GA|en}}