Griekse mitologie: Verskil tussen weergawes

'''Griekse mitologie''' is die versamelde legendes oor [[Griekeland|Griekse]] [[god]]e en godinne asook antieke helde en heldinne. Hierdie legendes is oorspronklik geskep en versprei in die mondeling-poëtiese tradisie. Die oorblywende bronne van Griekse mitologie is transkripsies van die gesproke woord of latere letterkundige verwerkings.

 

'''Chaos''' ([[Grieks]]: Χαος, ''Khaos'', "leegte") is in die Griekse mitologie die niks waaruit die [[Aarde (planeet)|Aarde]] ontstaan het, asook die eerste gode, die [[Griekse oergode|oergode]]: [[Gaia (mitologie)|Gaia]], [[Hemera]], [[Nyx]], [[Tartarus]], [[Uranus (mitologie)|Uranus]], [[Chronos]], [[Eros (mitologie)|Eros]], [[Erebos]] en uiteindelik [[Aither (mitologie)|Aither]]. Die kinders van Chaos het saam met hul vader die berge, see en hemel geskep. Hulle het ook 12 [[Titaan (mitologie)|Titane]], 3 [[Sikloop|siklope]] en 3 [[Reus (mitologie)|reuse]] met honderd arms elk gemaak. Uranus was die koning van die oergode.

 

Een van die Titane, [[Kronos]], het sy pa, Uranus, ontman en sy bewind oorgeneem en so die nuwe koning van die gode geword. Die ander elf Titane was sy suster en vrou [[Rhea (mitologie)|Rhea]], asook [[Hyperion]], [[Iapetos]], [[Koios]], [[Krios]], [[Mnemosyne]], [[Okeanos]], [[Phoibe]], [[Tetis]], [[Theia]] en [[Themis]].

 

Verskeie Titane het kinders gehad wat ook as Titane bekend staan. Hierdie tweede geslag sluit die kinders in van [[Hyperion]] ([[Helios]], [[Eos]] en [[Selene]]), die dogters van [[Koios]] ([[Leto]] en [[Asteria]]) en die seuns van [[Iapetos]] ([[Prometheus]], [[Epimetheus]], [[Atlas (mitologie)|Atlas]] en [[Menoitios]]).

 

Kronos het verskeie kinders by Rhea gehad: [[Hestia]], [[Demeter]], [[Hera]], [[Hades]] en [[Poseidon]], maar het hulle almal ingesluk sodra hulle gebore is ná ’n voorspelling dat een van sy kinders hom sou onttroon nes hy sy eie pa onttroon het. Maar ná Zeus se geboorte het Rhea vir Kronos ’n klip, in klere toegedraai, gegee. Hy het dit dadelik ingesluk. Rhea het Zeus in ’n grot op die [[berg Ida]] in Kreta weggesteek.

 

Die klassieke twaalf Olimpiese gode is: [[Zeus]], [[Hera]], [[Poseidon]], [[Demeter]], [[Ares]], [[Hermes]], [[Hephaistos]], [[Afrodite]], [[Atena]], [[Apollo (mitologie)|Apollo]], [[Artemis]] en [[Hestia]].

 

 

[[Kategorie:Geskiedenis van Europa]]

[[Kategorie:Griekse mitologie| ]]

{{Link FA|en}}

{{Link FA|es}}

{{Link FA|id}}

{{Link FA|vi}}