Amasone (mitologie): Verskil tussen weergawes

Die '''Amasones''' ([[Grieks]]: Ἀμαζόνες) was in die [[Griekse mitologie]] ’n nasie van vroulike vegters. Volgens [[Herodotus]] het hulle gewoon in ’n streek wat grens aan [[Skitië]] in [[Sarmasië]] (hedendaagse [[Oekraïne]]). Sommige ander dink hulle was van [[Klein-Asië]] of [[Libië]].

 

Die oorsprong van die naam is onbekend.

 

Die Amasones het glo in [[Pontus]], in die hedendaagse [[Turkye]], aan die [[Swartsee]] gewoon. Hulle het ’n onafhanklike koninkryk gestig onder leiding van koningin Hippolyta of Hippolyte ("toomlose merrie"). Hulle het glo baie dorpe gestig, soos [[Smirna]] en [[Efese]]. Volgens die dramaturg [[Aiskilos]] het hulle lank gelede in [[Skitië]] (die hedendaagse [[Krim]]) naby die [[Azof-see]] gewoon, maar later na die hedendaagse Noord-Turkye getrek.

 

[[Herodotus]] het hulle ''Androktones'' ("manne-moordenaars") genoem en in die ''[[Ilias]]'' staan hulle bekend as ''Antianeira'' ("hulle wat soos mans veg").

 

In sommige weergawes van die mite is geen man toegelaat om ’n seksuele verhouding met een van hulle te hê of in hul land te woon nie. Om te keer dat hulle uitsterf, het hulle ’n buurstam, die [[Gargareane]], een keer per jaar besoek. Die seuns wat uit hierdie ontmoetings gebore is, is óf doodgemaak óf na hul pa's teruggestuur óf in die wildernis gelos; die dogters is deur hul ma's grootgemaak en opgelei in landbou, jag en oorlogvoering. In ander weergawes het die Amasones nie al die mans doodgemaak in ’n oorlog nie. Die oorlewende mans is as slawe geneem en een of twee keer per jaar het die vroue met hulle seks gehad.<ref>[[Strabo]] xi. 503.</ref>

 

Hulle kom ook voor in die tyd van [[Alexander die Grote]]. Van sy biografieskrywers noem dat die Amasone-koningin [[Thalestris]] hom besoek het en ’n kind by hom gehad het. Verskeie ander biografieskrywers ontken dit egter, onder andere die gerekende [[Plutarch]]. In sy geskrifte noem hy hoe ’n vlootaanvoerder van Alexander, [[Onesicritus]], die deel oor die Amasones voorgelees het aan koning [[Lysimachus]] van [[Thrakië]], wat op die oorspronklike ekspedisie was. Die koning het vir hom geglimlag en gesê: "En waar was ek dan?"

 

Daar is verskeie (botsende) lyste van die name van Amasones.

 

* Asteria, die sesde Amasone wat deur Herakles doodgemaak is

* [[Cleite]], een van die twaalf wat Penthesilea vergesel het. Haar skip is van koers af geblaas en sy het in [[Italië]] geland waar sy die stad [[Clete]] gestig het.

* [[Hippolyta]], die koningin wat ’n towergordel besit het wat haar pa [[Ares]], die god van oorlog, aan haar gegee het.

* Melanippe, suster van Hippolyte. Herakles het haar gevange geneem en het Hippolyte se gordel geëis in ruil vir haar vryheid. Hippolyte het ingestem en Herakles het haar vrygelaat.

<references/>

 

* F.G. Bergmann, ''Les Amazones dans l'histoire et dans la fable'' (1853) (in Frans)

* Josine H. Blok (Peter Mason, vert.), ''The Early Amazons'': Modern and Ancient Perspectives on a Persistent Myth (1995)

* W. Stricker, ''Die Amazonen in Sage und Geschichte'' (1868) (in Duits)

 

* [http://www.perseus.tufts.edu/cgi-bin/ptext?lookup=Hdt.+4.110.1 Herodotus oor die Amasones]

** [http://www.gutenberg.org/browse/authors/h#a828 Herodotus via Gutenberg]

 

[[Kategorie:Griekse mitologie]]