Nag Hammadi-geskrifte: Verskil tussen weergawes

{{Gnostisisme}}Die '''Nag-Hammadi-geskrifte''', wat ook as '''Nag-Hammadi-biblioteek''' bekend staan, is 'n versameling vroeg-Christelike tekste met 'n sterk [[Gnostisisme|Gnostiese]] inslag wat in [[Desember]] [[1945]] naby die [[Egipte|Egiptiese]] dorp Nag Hammadi deur plaaslike boere ontdek is. Die meeste van hierdie geskrifte, waaronder die [[Evangelie van Thomas]], was voorheen onbekend of slegs in fragmente bewaar.

 

In Desember 1945 het sommige Egiptiese boere aan die voet van die Jabal-al-Tarif-rotshelling sowat elf kilometer noordoos van Nag Hammadi op soek na mis vir hulle velde. Hier het hulle op 'n geheimsinnige vonds afgekom - onder 'n rots het hulle 'n kruik met 'n hoogte van sowat een meter ontdek. Hulle het die kruik in stukke geslaan in die hoop om daarin [[goud]] te vind. Die kruik het egter dertien kodekse bevat wat in leer gebind was, waarvan twaalf uiteindelik bewaar gebly het.

 

Die boere het hulle vonds as waardeloos geag en aan 'n Koptiese priester gegee, en sy swaer het die vonds in Kaïro aan die aarts George Sobhi getoon. Die tekste is vir sowat 300 Egiptiese pond aan die staat verkoop en op [[4 Oktober]] [[1946]] aan die Koptiese Museum oorhandig.

 

 

Die vonds bestaan uit dertien [[papirus]]-kodekse wat in leer gebind is en 'n versameling van 47 verskillende tekste bevat. Van sommige tekste is meer as een eksemplaar gevind sodat daar in totaal 53 tekste ontdek is. Die manuskripte dateer uit die 3de en 4de eeu, alhoewel die tekste self vermoedelik reeds in die 1ste of 2de eeu ontstaan het. Die tekste is in [[Kopties]] geskryf, maar daar word aangeneem dat hulle vanuit [[Grieks]] vertaal is.

Dit is nie duidelik of die tekste as 'n soort inligtingsbron vir die stryd teen Gnostiese ketters saamgestel is of as gevolg van die 39ste Paasfeesbrief van Athanisius as ketterse geskrifte uit die kloosterbiblioteek verban is.

 

 

Die geskrifte, wat gedeeltelik ernstig beskadig is, is ná hulle rekonstruksie as enkeltekste gepubliseer. Die eerste uitgawes is deur Martin Krause en Pahor Lahib en deur Johannes Leipoldt en Hans-Martin Schenke. Eers sedert 1977 is die Nag-Hammadi-geskrifte danksy 'n Engelse vertaling aan 'n breë publiek bekend gestel. Nag Hammadi is nou naas Qumran die belangrikste vonds vir navorsing in verband met die vroeë Christendom en die Gnostisisme.

 

 

* [http://www.gnosis.org/naghamm/nhlalpha.html The Gnostic Society Library: ''The Nag Hammadi Library'']

 

[[Kategorie:Christendom]]