Basale klade

’n Basale klade is in filogenetika en kladistiek ’n klade wat vroeg binne ’n grotere klade aftak en die sustertakson is van ’n duidelike spesieryker hooftak wat nie baie vroeër uitgesterf het nie. Die basale klade word soms aan die onderkant van ’n kladogram aangedui. ’n Klade is altyd basaal relatief ten opsigte van ’n groter klade; ’n groep wat basaal is in een klade kan nie-basaal wees ten opsigte van ’n nog groter klade. Die woord "basaal" word tans verkies bo die ouer term "primitief" omdat laasgenoemde kan dui op minderwaardigheid of eenvoudigheid, wat dikwels nie die geval is nie.

’n Voorbeeld is die genus Neofelis, wat met twee spesies binne Pantherinae ’n basale plek inneem ten opsigte van sy sustertakson, die genus Panthera, wat meer spesies bevat. Dit kan gesien word in die onderstaande kladogram:

Filogenetiese stamboom van die Pantherinae Pantherinae Panthera Panthera tigris - tier Panthera uncia - sneeuluiperd Panthera leo - leeu Panthera onca - jaguar Panthera pardus - luiperd Neofelis Neofelis nebulosa - newelluiperd Neofelis diardi - Borneotiese newelluiperd

• Hierdie artikel is vertaal uit die Nederlandse Wikipedia