George-museum: Verskil tussen weergawes

Content deleted Content added
Nuwe bladsy geskep met ' {{Inligtingskas Museum |amptelike_naam=Vredendal |nedersetting_tipe=Dorp |beeld_stadsilhoeët=GM3.jpg |beeldbyskrif=Vredendal se middedorp word oorheers deur die NG...'
(Geen verskil)

Wysiging soos op 21:57, 9 April 2014

George-museum

Die George Museum is ‘n kultuur- historiese museum geleë in George, Wes-Kaap, Suid Afrika. Die hooftema van die museum is toegespits op die plaaslike geskiedenis van die George , met die fokus op die inheemse houtindustrie van die area. Daar is ook 'n uitstallingslokaal waar Suid-Afrikaanse kuns gehuisves word. Die museum is gestig deur Charles Sayers in 1967, gehuisves in ‘n enkele vertrek in Courtenaystraat. Die museum is tans in die Drostdy, die woning en kantoor van die landdros, gebou onder toesig van die eerste landdros van George, Adrian van Kervel, in c.1813. Die Drostdy-gebou was ook voorheen die geskiedkundige Victoria Hotel.

wood carving : victorian Hotel,old museum building
Victoria Hotel (George Museum, Wes-Kaap, Suid Africa)

Geskiedenis

Historiese agtergrond van die George Museum

Die George Museum het sy oorsprong in die private versameling van Charles Sayers. Hy was ook die voormalige eienaar en later redakteur van die George & Knysna Herald, 'n koerant wat deur sy ouers in 1881 gestig is. Sayers het voorwerpe en items van kultuur-historiese belang met betrekking tot George uitgestal en bewaar, met 'n spesifieke belangstelling in ou meganiese musiekinstrumente en tikmasjiene.[1]. In 1967 word Sayers se "Mini Museum" geopen, geleë in ‘n enkel-vertrek langs 'n kafee in Courtenaystraat. Die museum wasdadelik baie gewild en onder aansporing van die plaaslike owerhedeword die museum verskuif deur Charles Sayers na die historiese ou Stadshuis, 'n administratiewe gebou opgerig in 1847. Daarna trek die Sayers Museum die aandag van die owerhede en skaars ses maande na die verskuiwing na die ou Stadshuis, word die museum ‘n geaffilieerde museum van die Kaapse Provinsiale Museumdiens, met die inheemse houtnywerheid as hooftema. As gevolg van toenemende gewildheid en gebrek aan spasie, verskuif die museum gou weer na 'n groter gebou, die ou Drostdy (landros se woning en kantoor). Hier word die oorspronklike museum van Sayers gerekonstrueer as die "Mini Museum" in die huidige George Museum.[1]

Die Drostdy is oorspronklik gedurende c.1813, onder toesig van die eerste landdros van George, Adrian van Kervel opgerig. In 1826 het die Drostdy afgebrand en is dit weer gedeeltelik herbou. Teen die die einde van die 19de eeu word dit in die legendariese Victoria Hotel omskep. In 1972 het die Munisipaliteit van George die gebou gekoop en gerestoureer. Die gebou huisves die George Museum sedert 1976. Die Drostdy of hedendaags die museum, huisves 'n verskeidenheid van interessante uitstallings, onder andere die florerende houtnywerheid van die gebied met voorbeelde van ou houtwerkimplemente en- gereedskap, 'n geelhout-boskappershut en aanplantings van inheemse bome in die tuin.[2]

Stigting van George

Die dorp George het sy oorsprong te danke aan die houtnywerheid in die gebied. Reg van die begin van Europese kolonisasie in Suid Afrika sedert 1652, het hout ‘n baie belangrike rol in die oorlewing van die setlaars gespeel.Soos die woudgebiede naby Kaapstad egter uitgeput geraak het en oor-ontgin is, het die ontginning van woude uitgebrei in ‘n oostelike rigting, langs die kus af. Die groot woude van die Suid-Kaap is reeds so vroeg as 1711 ontdek, maar as gevolg van die ontoegangbaarheid van die area het dit behoue gebly. In 1777 stig die Vereenigde Oos-Indiese Kompanjie (VOC)‘n houtkapperspos of buitepos waar George vandag geleë is.[2]

Die George Baken

In die voorportaal van die George Museum is die oorspronklike George Baken wat deur dieVOC in 1785 opgerig is deur die Goewerneur van die Kaap, Cornelis Jacob van de Graaff. Die baken is opgerig om die gebied af te baken en om die Engelse te verhoed om in tedring in Outeniqualand. Die baken is as ‘n nasionale monument verklaar in 1962 en as ‘n provinsiale erfenis-voorwerpin 1992.[2]

Stigting van 'n nuwe magistraatsdistrik

Op 23 April 1811 reik die Graaf van Caledon, Goewerneur van die Kaap ‘n proklamasie uit vir die vorming van ‘n nuwe magistraatsdistrik in Outeniqualand met ‘n Drostdy gesetel in George. Hy verklaar dat die dorp waar die landdros (later bekend as die magistraat) woonagtig gaan wees, vernoem word na die heersende koning van Engeland, George III.

Die Drostdy

J.H. Voorman, 'n landmeter van Swellendam was verantwoordelik vir die planne van die Drostdy. Hy het ook die uitleg vir die wye strate van George beplan. Bouwerk aan die Drostdy het in 1813begin. Dit was 'n dubbelverdieping grasdak-gebou met vleuels wat verbind was met mekaar deur 'n platdak.Verskeie verslae beskryf die gebou as H-vormig. Die Drostdy, van Kervel’s se kantoor en woonhuis, is voltooi aan die einde van 1815.[1]. Gedurende Julie 1826 toe die tweede landdros, landros van der Riet en sy familie weg was met vakansie, het ‘n brand amper die Drostdy in puin gelê. Gelukkig het die mure en die saal onder die plat dak bly staan. Die owerhede wou eers die Drostdy herbou, maar besluit later om dit eerder te verkoop en in 1830 word William Hollet die eienaar. ‘n Mens kan aanvaar dat toe Hollet die Drostdy herbou het, hy die dele van die gebou wat nog staande was onder die plat dak, sou behou het. In die jare daarna het die gebou baie eienaars gehad en elke eienaar het hul eie verbouings en/of aanpassings gemaak. Die grasdak is later vervang met sink en die houtvensters met staal. Bestaande deuropenings is toegemaak en nuwes gemaak. Dele van die mure is gesloop en ander mure is gebou.[1].

Biblioteek en Argief

Dokumente, genealogiese dokumentasie, foto's, boeke en koerante verwant aan die geskiedenis van George word in die argief gehuisves.

Galery van historiese foto's

Uitstallings

Die George Museum poog daarna om die gemeenskap bewus te maak van hul kultuur en geskiedenissowel as om ‘n beter begrip te kweek van hul omgewing deur die uitstallings in die museum. Die museum versamel en stal voorwerpe uit wat verband hou met die kulturele geskiedenis van George en die omgewing vanaf die ontstaan van die dorp as ‘n VOC buitepos.Die buitepos het gou die middelpunt geword van ‘n florerende houtindustrie. Die museum se hooftema, die “Inheemse bos-en houtbedryf van die Suid-Kaap focus op die inheemse houtbedryf van die Suid-Kaap en die rol wat hierdie industrie gespeel het in die geskiedenis van die dorp.[3]. Die Houttema is uniek in die sin dat geen ander Suid-Kaapse museum die houttema as hul hooftema het nie.

Buitelug-kompleks: Houtnywerheidsuitstallings

Die buitelugkompleks wat fokus op die houtnywerheid, bestaan uit aanplantings van inheemse woudbome, die Houtmuseum en 'n gerekonstrueerde geelhout- boskappershut(c.1910+). Die boskappershut is ook gemeubileer volgens verslae en mondelinge vertellinge van ou boskappers. Vanaf die begin van kolonisasie in Suid-Afrika is hout en die voorsiening van hout van groot belang vir die setlaars. Dis gebruik vir geboue, meubels, waens, vuurmaakhout, ens. Die Hout-industrie museum fokus op die geskiedenis van die industrie en gee insig aan die ontstaan daarvan. ‘n Groot verskeidenheid houtwerkgereedskap wat gebruik is, bv. byle, sae, dissels, ens. word uitgestal.

Uitstallings van plaaslike historiese belang word in die hoofgebou gehuisves

Die “Mini” museum is ‘n museum binne-in die Museum. Dit is ontwerp om ‘n atmosfeer van die ou dae daar te stel. Hierdie uitstalling bestaan uit baie oorspronklike voorwerpe wat versamel is deur Charles Sayers (stigter van die museum) vir sy geliefde museum. George was ‘n vooruitstrewende dorp in die Victoriaanse tydperk en in die laat 19de eeu word hierdie ou gebou (wat vandag die museum is) die legendariese Victoria Hotel. ‘n Tipiese slaapkamer, eetkamer en “drawing room” meubels uit hierdie tydperk sorg vir interessante uitstallings. ‘n Versameling meganiese musiek-instrumente, wat wissel van Switserse musiekdose van 1796 tot Edison fonogramme van die laat 19de eeu en “His Master’s Voice” grammafone van die 1900’s.

Galery van uitstallings

Gedwonge verskuiwings in George

Hierdie onlangse uitstalling fokus op die gedwonge verskuiwings wat plaasgevind het in George vanaf 1904 tot 1989. Gedurende die loop van die 19de en 20ste eeu is verskeie wette ingestel in Suid-Afrika om swart gemeenskappe te verwyder vanaf die land wat hulle beset het. Hierdie uitstalling toon aan watter gemeenskappe in George en omgewing is gedwing om te verskuif na ander gebiede wat deur die destydse owerhede bepaal is. Omdat daar egter baie min inligting beskikbaar is oor hierdie belangrike deel van ons geskieden is, word besoekers versoek om persone en rolspelers in foto’s te identifiseer. Dit sal die museum dan in staat stel om onbekende persone in foto’s te identifiseer en sodoende erkenning aan rolspelers te gee. Deur die gemeeskap op hierdie manier betrokke te maak by die uitstalling, word ‘n platform geskep waarop hulle hul gevoelers kan uitdruk en ‘n gevoel van “behoort”, trots en waarde in die gemeenskap daar te stel. Persone kry deur die uitstalling erkenning dat hulle iets unieks het wat waardevol is. Deur die stimulering van dialoog en aanmoediging van besoeker-betrokkenheid, was dit moontlik om akkurate en belangrike inligting te bekom wat die omvang van kennis op hierdie onderwerp verbreed.

Die museum het ook tydelike uitstallings.

 
Kunsuitstalling in die Sayerssaal

Die Sayerssaal is ingerig as ‘n kunsgalery. Huidiglik word ‘n seleksie van kunswerke van die versameling van die Wes-Kaap Biblioteekdiens, wat bestaan uit prominente Suid-Afrikaanse kunstenaars, asook ‘n versameling van die 2010 sokker-gedenkwaardighede, ook deur Suid-Afrikaanse kunstenaars, hier ten toon gestel.

Sport gedenkwaardighede op uitstalling.

Opvoedkundige programme

 
Medisinaale plant, George area, Wes-Kaap, Suid-Afrika.

Die George Museum bied ‘n wye verskeidenheid opvoedkundige programme vir leerders aan. Die volgende kurrikulum-verwante opvoedkundige programme word jaarliks aangebied by die George Museum.

Die Argitektuur van George

Die historiese geboue in George, opgerig in die 18de en 19de eeu asook die verskillende argitekstyle word aangebied.

Plaaslike Geskiedenis opvoedkundige program

Die geskiedenis van George, die eerste inwoners, dorpsontwikkeling, historiese geboue en kerke word aangebied.

Slawe opvoedkundige program

In hierdie program word die geskiedenis van slawerny in die Suid-Kaap ontdek.

Medisinale plante

Wetenskaplikes stem saam dat die mensdom ontwikkel het in Afrika, miljoene jare gelede. Daarom is tradisionele medisyne uit Afrika die oudste en ook die medisyne wat die meeste getoets is van ander medisynes. Deur honderder jare is hierdie resepte mondeling oorgedra van geslag tot geslag. Baie van hierdie medisyne word steeds vandag gebruik. In hierdie program word agt inheemse plante bekendgestel waarby ‘n praktiese sessie ook ingesluit is, nl. die maak van medisyne.

Die geskiedenis van medisyne

Die geskiedenis van westerse, inheemse en tradisionele medisyne (Barnard, Pasteur, Curie) word aangebied.

San/Khoekhoen opvoedkundige program

Hierdie program toon die leefstyl, voedsel, geloof en klere van die San/Khoekhoen. ‘n Praktiese sessie om self ‘n armband te maak, word hierby ingesluit.

Ontdekkers en fortuinjagters opvoedkundige program

In hierdie program ontdek leerders die geskiedenis van Dias en da Gama asook die karveel.

Fossiele opvoedkundige program

Leer wat is fossiele, die rede en hoe dit ontstaan het, die tipes van fossiele en die rede waarom ons fossiele bestudeer. Prakties hierby ingesluit.

Ekosisteme

Hierdie program stel leerders bekend aan die basiese begrippe van ekosisteme.

Galery van opvoedkundige aktiwiteite


Bronne

  1. 1,0 1,1 1,2 1,3 Sayers, C. 1982. Looking back on George. Herald Phoenix (Pty) Ltd. George.
  2. 2,0 2,1 2,2 Stals, E.L.P. 1961. George, die verhaal van die dorp en distrik: Munisipaliteit Afdelingsraad van George. Procclesia Drukkery. Stellenbosch.
  3. http://www.archivalplatform.org/blog/entry/the_george/.

Literatuur

  • De Jager, D.M. 1942. Gedenkboek van die Gemeente George by geleentheid van die Honderdjarige Herdenking van die Kerkinwyding, 1842-1942. Gedruk deur die George en Knysna Herald.
  • Burden, M.2009. Strukture, Styke en Stories: 'n Interpretasie van Kerkargitektuur in George. Paper presented at National Congress of the Society for Cultural History held in George.
  • Du Preez, I.F. 1987. From mission station to Municipality. Published by the Municipality of Pacaltsdorp. George Printing CC. George.
  • Parker,S. 1993. The Development of George. Historical survey 1811-1975. University of Port Elizabeth. Department of Architecture.
  • Sayers, C. 1982. Looking back on George. Herald Phoenix (Pty)Ltd. George.
  • Stals, E.L.P. 1961. George. Die verhaal van die dorp en distrik. UItgegee deur die Munisipaliteit en Afdelingsraad van George. Pro Ecclessia Drukkery. Stellenbosch.

Eksterne skakels


de: fr: