Langenhoven word besteveral onthou vir sy humoristiese en satiriese werke. Hy was 'n veelsydige skrywer wat meesterlike kort prosa en poësie geskryf het. Hy was welbekend vir sy skerp sin en sagte maniere. Hy het 'n denkbeeldige olifant geskep (baie mense wat hom geken het, kon getuig dat daar nooit 'n werklike olifant was nie<ref>[http://152.111.1.87/argief/berigte/dieburger/2000/07/01/3/17.html Staaltjies rondom die skerpsinnigheid van C.J. Langenhoven], [[Die Burger]], 17 Maart 2000</ref>) genaamd ''Herrie'' wat hy glo van 'n sirkus af gekoop het en wat ook in baie van sy stories verskyn het. Hy het Herrie se naam in 'n klip gekerf langs die [[N12]] nasionale hoofweg, halfpad binne in [[Meiringspoort]], (buite Oudtshoorn) op 1 Julie [[1929]]<ref>[[Op Pad in Suid-Afrika]]. [[B.P.J. Erasmus]]. 1995. ISBN 1-86842-026-4</ref>. Hierdie klip is bekend as ''Herrie se klip'' en is 'n nasionale gedenkwaardigheid.
