[[Lêer:Jubilee Diamond copy.jpg|thumb|'n Kopie van die Jubilee-diamant in die "Reich der Kristalle"-museum in Munich.]]
Die '''Jubilee-diamant''', oorspronklik bekend as die '''Reitz-diamantReitzdiamant''', is 'n kleurlose, kussing-vormige [[diamant]] van 245.35 [[karaat]] (49.07 gram). Dit is die sesde grootste diamant ter wêreld. Die diamant is aanvanklik na [[Francis William Reitz]], die destydse president van die [[Oranje-Vrystaat]], waar die steen ontdek is, vernoemgenoem. In 1897 is dit na die huidige naam hernoem om [[Victoria van die Verenigde Koninkryk|koningin Victoria]] se 60ste jaar op die troon te gedenk.
Die oorspronklike steen, 'n rowwe agtvlakkige klip van 650.80 karaat (130.16 g) is in 1895 by die [[Jagersfontein]]-myn in [[Suid-Afrika]] ontdek. 'n Konsortium van diamanthandelaars uit [[Londen]] koop dit in 1896 saam met die groter [[Excelsior-diamant]], en stuur dit na [[Amsterdam]] waar dit deur M.B. Barends gepoleer is. 'n Veertig karaat (8 g) stuk is verwyder, wat self 'n 13.34 karaat (2.668 g) peervormige steen opgelewer het, en uiteindelik deur [[Carlos I van Portugal]] gekoop is.
[[Dorabji Tata]] koop die diamant in ongeveer 1900 en geeskenk dit aan sy vrou, Meherbai. Sy het dit tydens openbare funksiefunksies en met haar besoeke aan die koninklike howe gedra. Die Jubilee-diamant was die grootste ter wêreld tot 'n groter diamant in 1905 tentoongestel is. Dit is net ná Tata se dood in 1932 verkoop en die geld is vir die stigting van die ''Sir Dorabji Tata Trust'' gebruik.<ref name="tata">[http://www.dorabjitatatrust.org/about/historyoftrust.aspx The Sir Dorabji Tata Trust – A Historical Perspective], Sir Dorabji Tata Trust se webtuiste</ref>
