Novalis: Verskil tussen weergawes

Content deleted Content added
Voyageur (besprekings | bydraes)
Voyageur (besprekings | bydraes)
Lyn 8:
Georg Philipp Friedrich Freiherr von Hardenberg is in 'n ou adellike familie gebore. Die klein [[Renaissance]]-[[kasteel]], waar hy gebore is, het deel uitgemaak van die landgoed van sy ouers in die destydse graafskap Mansfeld in die [[Keurvorstedom Sakse]]. Hier het hy ook sy kinder- en jeugjare deurgebring.
 
Sy pa, Heinrich Ulrich Erasmus von Hardenberg (1738-1814), is in 1784 as direkteur van die soutmyne in Dürrenberg, Artern en Kösen aangestel. Die vroeë afsterwe van sy eerste vrou het Heinrich von Hardenberg as 'n soort straf vir sy destydse wêreldlike lewe beskou. Vervolgens het hy sterk [[piëtisme|piëtistiese]] neigings vertoon en hom deur die [[Morawiese kerk|Morawiese Kerk]] (''Herrnhuter Brüdergemeine'') aangetrokke gevoel. Sy tweede huwelik het hy met Auguste Bernhardine von Bölzig (1749-1818) aangegaan wat die lewe aan elf kinders geskenk het, waaronder Georg Philipp Friedrich, hul tweede kind.
 
Naas 'n olieskildery is 'n doopkappie, wat aan die digter toegeskryf word, die enigste materiële voorwerpe wat uit dié tyd bewaar gebly het. Hy is in die kerk te Wiederstedt gedoop as Georg Philipp Friedrich. Sy latere roepnaam was ''Friedrich'' of ''Fritz(e)'', ter onderskeiding van sy jonger broer wat ''Georg'' genoem is.