[[Lêer:Daisies-Focus.jpg|thumb|Die afstand waarbinne foto's in fokus is (genoem die [[velddiepte]]) kan deur baie kameras verstel word. Dit kan byvoorbeeld help om die voorwerp wat afgeneem word teen ’n dowwe agtergrond te laat uitstaan.]]
Vanweë die optiese eienskappe van ’n lens sal net voorwerpe binne sekere afstandsgrense in fokus wees. Die fokus kan egter verstel word en daar is verskeie maniere om dit te doen. Die eenvoudigste kameras het ’n vasgesteldevaste fokus en gebruik ’n klein lensopening en wyehoeklens om te verseker alles binne ’n sekere afstand van die kamera (gewoonlik sowat 3 meter) tot in oneindigheid is redelik gefokus. Dit word gewoonlik in goedkoper kameras aangetref.
Met meetsoekerkameras (''rangefinder cameras'') kan die afstand na voorwerpe gemeet word deur middel van ’n eenheid bo-op die kamera, en so kan die fokus akkuraat gestel word. [[Enkellens#enkellens-reflekskamera|Enkellens-reflekskameras]]s stel die fotograaf in staat om die fokus en samestelling visueel te bepaal deur middel van ’n [[objektieflens]] en bewegende spieël om die beeld op ’n skerm te vertoon. Moderne kameras het outofokusstelsels om die kamera outomaties te laat fokus deur middel van ’n verskeidenheid metodes.<ref name='hsw_autofocus'>{{cite web | url = http://electronics.howstuffworks.com/autofocus.htm | title = How Autofocus Cameras Work | last = Brown | first = Gary | work = HowStuffWorks.com | archiveurl = https://web.archive.org/web/20130930141617/http://electronics.howstuffworks.com/autofocus.htm | archivedate = 2013-09-30}}</ref> Met baie kameras kan die fokus deesdae gestel word vir ’n bepaalde soort fotografie; die stellings word op die kamera aangedui deur simbole, soos ’n kop en skouers vir portretstudies, of ’n berg vir landskapfotografie.
