Kamera: Verskil tussen weergawes

Content deleted Content added
kNo edit summary
kNo edit summary
Lyn 6:
Die eerste kamera wat vir kommersiële gebruik vervaardig is, was ’n [[daguerreotipe]]-kamera, wat ontwikkel is danksy ’n proses wat deur die Fransman [[Louis Daguerre]] uitgevind is. Sedertdien het die tegnologie vir kameras en lense aansienlik verbeter.
 
Verskeie verstellings is met die meeste moderne kameras moontlik, waarmee die [[fokus]], [[beligting (fotografie)|beligtingstyd]], [[sluiter (fotografie)|sluiterspoed]] en die grootte van die [[lensopening]] gestel kan word. Verskillende soorte kameras met ’n verskeidenheid [[film]]formate is verkrygbaar, van [[#grootformaatkamera|grootformaat-]] tot [[Mik-en-druk-kamera|kompakte kameras]]. Met die ontwikkeling van [[digitale kamera]]s en [[Slimfoon|slimfone]] het die gewildheid van kameras wat film gebruik, grootliks afgeneem.
 
==Werking van ’n kamera==
Lyn 28:
</gallery></center>
 
Die eerste permanente foto is in 1826 deur [[Joseph Nicéphore Niépce]] geneem met ’n glybare houtbokskamera wat in [[Parys]] deur Charles en Vincent Chevalier gemaak is.<ref>Gernsheim, pp. 9-11</ref> Niépce het sedert 1816 geëksperimenteer met maniere om beelde van die ''camera obscura'' te fikseer. Die foto wat Niépce geneem het, wys die toneel buite sy venster. Dit is met ’n [[beligting (fotografie)|beligtingstyd]] van agt uur geneem op piouter bedek met [[bitumen]].<ref>Gernsheim, pg. 9</ref> Niépce het sy proses "heliografie" genoem.<ref>Gustavson, pg. 5</ref> Hy het met die uitvinder [[Louis-Jacques-Mande Daguerre]] gekorrespondeer, en die twee het ’n vennootskap aangegaan om die proses te verbeter. Niépce het ook met ander chemikalieë geëksperimenteer om kontras op sy heliograwe te verhoog. Daguerre het ’n beter ''camera obscura'' ontwerp, maar die vennootskap het in 1833 geëindig toe Niépce oorlede is.<ref>Gernsheim, pg. 10</ref> Daguerre het daarin geslaag om ’n skerp beeld met hoë kontras te skep op ’n plaat wat met silwerjodied bedek was en daarna aan kwikdamp blootgestel is.<ref>Gustavson, pg. 6</ref> Teen 1837 was hy in staat om beelde te fikseer met ’n gewone soutoplossing. Hy het die proses "daguerreotipe" genoem en ’n paar jaar lank gesukkel om dit kommersieel suksesvol te maak. Die Franse regering het eindelik Daguerre se proses aangeskaf vir openbare gebruik.
 
Die eerste kamera wat vir kommersiële gebruik vervaardig is, was ’n daguerreotipe-kamera wat deur [[Alphonse Giroux]] gebou is. Dit was ’n dubbelhouer-ontwerp met ’n landskaplens aan die buitenste houer, en ’n fokusskerm en beeldplaat aan die binneste houer. Deur die binneste houer te skuif kon voorwerpe in fokus gebring word. ’n Wiel met groewe wat ’n koperflap voor die lens beheer het, het as sluiter gedien. Die beligtingstyd was in 1839 enigiets van 5 tot 30 minute.<ref name="Gustavson, pp. 8-9">Gustavson, pp. 8-9</ref><ref>Frizot, pg. 39</ref>