Lens: Verskil tussen weergawes
Nuwe artikel |
(Geen verskil)
|
Wysiging soos op 18:42, 3 Mei 2014
’n Lens is ’n optiese toestel wat lig kan deurlaat en die strale na mekaar toe buig (konvergeer) of versprei (divergeer). ’n Eenvoudige lens bestaan uit ’n enkele optiese element, terwyl ’n saamgestelde lens uit verskeie eenvoudige lense met ’n gemeenskaplike as bestaan; met veelvoudige elemente kan optiese foute beter reggestel word as met ’n enkele lens. Lense word gewoonlik gemaak van glas of deursigtige plastiek.
Naam
Die woord "lens" kom van die Latynse naam vir die lensie omdat ’n dubbelbollens die vorm van ’n lensie het. Die genusnaam van die lensieplant is Lens, en die spesie wat die meeste geëet word, is Lens culinaris.
Soorte lense
Lense word geklassifiseer volgens die kromming van die twee kante. ’n Lens is ’n bol, konvergensie- of positiewe lens as altwee kante bolvormig is. ’n Lens met twee hol kante is ’n hol-, divergensie- of negatiewe lens. As die een kant plat en die ander kant bolvormig is, word dit ’n vlakbollens genoem. ’n Vlakhollens se een kant is plat en die ander kant hol. As die een kant bolvormig en die ander kant hol is, is dit ’n holbollens.
As die lens holvormig is, word die lig versprei en die beeld verklein. As dit bolvormig is, word die ligstrale na mekaar toe gebuig en dit kan die beeld óf vergroot óf verklein, afhangend van hoe dit gebruik word. Vir baie doeleindes word groepe lense gebruik om die verlangde effek te verkry, en dit word meestal ’n objektieflens genoem.
Spieëls
’n Spieël is nie ’n lens nie, maar ’n vlak spieël kan vergelyk word met ’n vlak ligbrekende oppervlak. Die beeld word nie vergroot of verklein nie, maar verander slegs van rigting. Met ’n hol- of bolspieël gebeur dieselfde; net die rigting verander effens meer of minder.
Eksterne skakels
Wikimedia Commons het meer media in die kategorie Lens.
